လက်ဆောင်ရတဲ့ဒသာစနစ် အပိုင်း(၂)

အောက်ပါအတိုင်း အဆင့်ဆင့်ခွဲပြီး တွက်ချက်ပေးလိုက်ပါတယ်ခင်ဗျာ။

(၁) တွက်လိုတဲ့ ရက်ကိုမှတ်ပြီး 17.4.1934 ကိုနှုတ်ပါ။ (ထိုနှစ်က နှစ်သစ်ကို 16.4.1934 က စပြောင်းတာကြောင့် ထိုရက်ကိုသုံးကလည်း ရနိုင်ပါတယ်ခင်ဗျာ။) နှုတ်လဒ်ကို အောက်ပါအချိုးများနှင့် တွက်ပြီး နက္ခတ်ဖွဲ့ပါ။

၁၂ ရာသီ = နက္ခတ် ၂၇လုံး
နက္ခတ် ၁ လုံး = ၄ ပါဒ် ထို့ကြောင့် ၁ ရာသီ = နက္ခတ် ၂ လုံး ၁ ပါဒ် = ၉ ပါဒ်
၁ ပါဒ် = ၁၅ ဃဋီ
၁ ဃဋီ = ၂၄ ရက်
၁ ပါဒ် = ၁၅ ဃဋီ = ၃၆၀ ရက်
နက္ခတ် ၁ လုံး = ၄ ပါဒ် = ၄ နှစ်
၁ရာသီ = ၂လုံး ၁ပါဒ်= ၉ နှစ်

ဥပမာ 28.2.2010 နေ့အတွက် ပဉ္စန်းနက္ခတ်ကို တွက်ကြည့်ပါမယ်။
28.2.2010-16.4.1934=12.10.75 ရပါတယ်။ ရက်ဖွဲ့တော့ 27300 ရက်ရပါတယ်။


နက္ခတ်ဘယ်နှစ်လုံးကျော်ပြီးလဲဆိုတာကိုသိဖို့ နက္ခတ်တစ်လုံးစာ ၄နှစ်( ၁၄၄၀ ရက်) နဲ့စားကြည့်တော့ ရလဒ် ၁၈ အကြွင်း ၁၃၈၀ ရပါတယ်။
နက္ခတ် ၁၈ လုံးနဲ့ ပြည့်ပြီး ၁၃၈၀ ရက်ကျန်ပါသေးတယ်။
ပါဒ်ကိုသိဖို့ ၁ ပါဒ်မှာ ၃၆၀ ရက်ပိုင်တာကြောင့် သူနဲ့စားပါတယ်။ ရလဒ်က ၃ အကြွင်းက ၃၀၀ ရက်ပါ။ ၃ ပါဒ်ကို ကျော်သွားပြန်ပါပြီ။
ကျန်တဲ့ ၃၀၀ ရက်ကို ဃဋီတွက်ချင်တော့ ၁ဃဋီမှာ ၂၄ ရက်ဖြစ်တာကြောင့် ၂၄ နဲ့ ၃၀၀ ကိုစားပါတယ်။ ရလဒ်က ၁၂ အကြွင်းက ၁၂ ဖြစ်တာကြောင့် ၁၂ ဃဋီနဲ့ ၁၂ ရက်ကို ရပါတယ်။

အားလုံးကိုစုလိုက်တော့ 28.2.2010 မှာ ပဉ္စန်းနက္ခတ်သည် နက္ခတ် ၁၈ လုံး ၃ ပါဒ် ၁၂ ဃဋီ ကို ၁၂ ရက်မျှအတိုင်းအတာကျော်တဲ့ အဖြေကိုရလာပါတော့တယ်ခင်ဗျာ။

(၂) ရလာတဲ့ ပဉ္စန်းနက္ခတ်ကို ဇာတာမှ စင်နက္ခတ်နဲ့ ပေါင်းပြီး အာယုစန်းနက္ခတ်ကို တွက်ပါ။

စင်နက္ခတ်တွက်နည်းကိုပါ ထည့်သွင်းဖေါ်ပြပေးပါ့မယ်ခင်ဗျာ။
စင်နက္ခတ်ဆိုတာ ၂နင်္လာဂြိုလ်စီးနင်းတဲ့ နက္ခတ်ကို တွက်တာ ဖြစ်ပါတယ်။ ကျွန်တော်နမူနာပြမယ့် ဇာတာအရ တနင်္လာသည် ၈ ရာသီ ၁၅ အင်သာ ၄၂ လိတ္တာ ၃ ၀ိလိတ္တာတွင် တည်နေသည်ဆိုပါစို့

၁၂ ရာသီမှာ နက္ခတ် ၂၇ လုံးကိုမျှဝေတာကြောင့် စင်နက္ခတ်သည် ဘယ်နက္ခတ်မှာစီးကြောင်း တွက်ဖို့လိုပြီဖြစ်ပါတယ်။

၁၂ ရာသီမှာ နက္ခတ် ၂၇ ရှိပြီး ၁၂ ရာသီသည် ၃၆၀ အင်သာ(ဒီဂရီ) ရှိတာကြောင့် နက္ခတ် ၂၇ လုံးသည် ၃၆၀ အင်သာရှိပါတယ်။ ၁ အင်သာသည် ၆၀ လိတ္တာရှိတာကြောင့် နက္ခတ် ၂၇ လုံးသည် (၃၆၀*၆၀=) ၂၁၆၀၀ လိတ္တာရှိပါတယ်။ ထို့ကြောင့် နက္ခတ် ၁ လုံးသည် လိတ္တာ ၈၀၀ အတိုင်းအတာရှိကြောင်း တွက်ချက်ရရှိပါတယ်။ နက္ခတ်တစ်လုံးမှာ ၄ ပါဒ်မိုလို့ ၁ ပါဒ်သည် ၂၀၀ လိတ္တာနဲ့ညီပါတယ်။ ၁ ပါဒ်မှာ ၁၅ ဃဋီရှိတာကြောင့် ၁ ဃဋီသည် ၁၃.၃၃ လိတ္တာရှိပါတယ်။

တစ်ဖန် တနင်္လာသည် ၈ ရာသီ ၁၅ အင်သာ ၄၂ လိတ္တာ ရှိသည့်အတွက် တွက်ရလွယ်အောင် လိတ္တာဖွဲ့ပါမယ်။

(((၈*၃၀)+၁၅)*၆၀)+၄၂=၁၅၃၄၂ လိတ္တာရပါတယ်။
ရှင်းလိုက်တာကတော့ ၁ ရာသီ ၃၀ အင်သာမိုလို့ ၃၀ နဲ့ မြှောက်တယ်။ ရတာကို နဂိုက ၁၅ နဲ့ပေါင်းတယ်။ စုစုပေါင်းအင်သာကို ၁ အင်သာ ၆၀ လိတ္တာမို့ ၆၀ နဲ့မြှောက်တယ်။ ရတာကို နဂိုက ၄၂ လိတ္တာနဲ့ပေါင်းပါတယ်။ ဒီတော့ ၂ င်္လာရဲ့ ၁၅၃၄၂ လိတ္တာသည် နက္ခတ် ဘယ်နှလုံးကျော်လွန်သွားတယ်ဆိုတာကို သိဖို့ (နက္ခတ် ၁ လုံးနဲ့ညီမျှတဲ့) ၈၀၀ လိတ္တာနဲ့စားပါတယ်။ ရလဒ် ၁၉ က နက္ခတ်လုံးရေးကိုပြပါတယ်။

အကြွင်း ၁၄၂ လိတ္တာရပါတယ်။ ပါဒ်ကို တွက်ချင်တော့ (၁ ပါဒ်မှာ ၂၀၀ လိတ္တာရှိတာကြောင့်) ၂၀၀ နဲ့စားပါတယ်။ မစားလောက်တော့ ၀ ပါဒ်ပေါ့ဗျာ။ ၁ ဃဋီမှာ ၁၃.၃၃ လိတ္တာရှိတာကြောင့် ကျန်ခဲ့တဲ့ ၁၄၂ လိတ္တာကို ၁၃.၃၃ လိတ္တာနဲ့ စားပါတယ်။ ရလဒ် ၁၀ က ဃဋီကို ညွှန်းပါတယ်။ အကြွင်း ၈ လိတ္တာကျန်ပါသေးတယ်။ ဒါကိုတော့ ထည့်မတွက်တော့ပါဘူးခင်ဗျာ။

အားလုံးစုလိုက်တဲ့ အခါမှာတော့ တနင်္လာသည် နက္ခတ် ၁၉ လုံး ၀ ပါဒ် ၁၀ ဃဋီမှာရှိနေတယ်လို့ အဖြေရပါတယ်။
ပဉ္စန်းနက္ခတ်နဲ့ပေါင်းမယ်ဆိုပါက
စင်နက္ခတ် ၁၉ လုံး ၀ ပါဒ် ၁၀ ဃဋီ
ပဉ္စန်းနက္ခတ် ၁၈ လုံး ၃ ပါဒ် ၁၂ ဃဋီ
အာယုစန်းနက္ခတ် ၃၈ လုံး ၀ ပါဒ် ၇ ဃဋီ ရပါတယ်။

၁၀ ဃဋီ+၁၂ ဃဋီ= ၂၂ ဃဋီ = ၁ ပါဒ် ၇ ဃဋီ ။ ၃ ပါဒ် + ၁ ပါဒ် = ၄ ပါဒ် = ၁ နက္ခတ်။ စသည်ဖြင့် ၃၈ လုံးရပါတယ်။ ၂၇ ကိုကျော်နေလို့ ဖြိုလိုက်တဲ့ အခါမှာ အာယုစန်းသည် ၁၁ လုံး ၀ ပါဒ် ၇ ဃဋီ ကိုရရှိပါတယ်ခင်ဗျာ။

(၃) အာယုစန်းနက္ခတ် နှင့် သက်ဆိုင်ရာ ရာသီနဲ့ ညီမျှတဲ့ ကာလအတိုင်းအတာကိုတွက်ပါ။

အာယုစန်းက နက္ခတ် ၁၁ လုံး ၀ ပါဒ် ၇ ဃဋီကတော့ ဟုတ်ပါပြီ။ ဘယ်ရာသီမှာတည်နေလဲ ဆိုတာအရင်တွက်ကြပါစို့ဗျာ။ မိဿရာသီ ၀ အင်သာ ၀ လိတ္တာမှ စပြီး နက္ခတ်ကို ရေတွက်တာကြောင့် ထိုစမှတ်မှာ နက္ခတ် ၂ လုံးနှင့် ၁ ပါဒ် ပြည့်တိုင်း (တနည်းအားဖြင့် ၉ ပါဒ်ပြည့်တိုင်း) ရာသီတစ်ခုကို လွန်မြောက်မှာ ဖြစ်ပါတယ်။

တွက်ရလွယ်အောင် အာယုစန်း နက္ခတ်ကို ပါဒ်ဖွဲ့ပါက ၄၄ ပါဒ် နှင့် ၇ ဃဋီ အတိုင်းအတာရှိပြီဖြစ်ပါတယ်။
၉ ပါဒ်ကို တစ်ရာသီဖြစ်တာကြောင့် ၄၄ ပါဒ် = ၉ ပါဒ် + ၉ ပါဒ် + ၉ ပါဒ် + ၉ ပါဒ် + ၈ ပါဒ် ၇ ဃဋီ = မိဿ + ပြိဿ + မေထုန် + ကရကဋ် + သိဟ် ဖြစ်တာကြောင့် အာယုစန်းသည် သိဟ်ရာသီ အတွင်း ၈ ပါဒ်နှင့် ၇ ဃဋီမျှ ၀င်ရောက်ပြီးနေပါကြောင်း တွက်ချက်ရပါတယ်ခင်ဗျာ။

ဟောပြောရာမှာတော့ ဇာတာ၏ သိဟ်ရာသီ သဘော၊ ရာသီဘာဝမှ အတန့်သဘောတို့ကို ယှဉ်ပြောမှာကြောင့် သိဟ်ရာသီ အတွင်း ဘယ်ချိန်က စ၀င်တယ် ဘယ်တော့ကျ ထွက်မယ်ဆိုတာမျိုးကိုလည်း သိထားသင့်ပါတယ်။

၂၈.၂.၂၀၁၀ တွင် သိဟ်ရာသီအတွင်း ၈ ပါဒ်နှင့် ၇ ဃဋီရှိနေပါသောကြောင့် အာယုစန်းသည် လွန်ခဲ့သော ၈ ပါဒ်နှင့် ၇ ဃဋီမှ စပြီး နောင် ၈ ဃဋီတိုင် တည်နေမှာဖြစ်ပါတယ်။ ဒါကတော့ ရှင်းပါတယ်ခင်ဗျာ။ ၉ ပါဒ်ဆို ၁ ရာသီပြည့်ပြီး ကန် ဘက်ကို ကူးမှာကြောင့် ၈ ဃဋီမျှ လိုသေကြောင်း အလွယ်တကူသိရတာဖြစ်ပါတယ်။

ကာလများအနေနဲ့ လွန်ခဲ့သော (၈ ပါဒ် ၇ ဃဋီ = ၈ နှစ် ၁၆၈ ရက် =) ၈ နှစ် ၅ လ ၁၈ ရက် မှသည် နောင် (၈ ဃဋီ = ၈*၂၄ = ၁၉၂ ရက် =) ၆ လ ၁၂ ရက် ထိ သိဟ်ရာသီမှာ ရှိပါ့မယ် ခင်ဗျာ။

ရက်စွဲအားဖြင့် ဆိုပါမူ 10.9.2001 မှသည် 10.9.2010 တိုင်အောင် သိဟ်ရာသီမှာ ရှိနေမှာဖြစ်ပါတယ်ခင်ဗျာ။

(၄) စားန၀င်းရပ်ရာရာသီဘာဝ နှင့် သက်ဆိုင်ရာ ကာလကို တွက်ပါ။

အာယုစန်းသည် ၁၁ လုံး ၀ ပါဒ် ၇ ဃဋီ ရှိရာမှာ နက္ခတ်လုံးရေကို ၃ နဲ့ စားပါတယ်။ ၂ ခု ကြွင်းပါတယ်။ စတင်ရေတွက် ရမယ့်ရာသီကို အာယုစန်းရပ်ရှာ သိဟ်ရာသီရဲ့ ရှေ့တစ်ခွင်ဖြစ်တဲ့ ကရကဋ်က စရေပါမယ်။ ရေတွက်ရာမှာလည်း ကရကဋ်ကချည်းမဟုတ်ဘဲ သူနဲ့ တြိဂေါဏကျရာ (၁၂၀ ဒီဂရီကျရာ) ရာသီများဖြစ်တဲ့ ဗြိစ္ဆာရာသီနဲ့ မိန်ရာသီများကို လည်း ထည့်သွင်းစဉ်းစားမှာဖြစ်ပါတယ်။
၃ နဲ့ စားလို့ အကြွင်းသည် ၀ ဖြစ်က ကရကဋ်က စရေပါမယ်။ ၁ ခုကြွင်းရင် ဗြိစ္ဆာက စရေပါမယ်။ ၂ ခုကြွင်းရင် မိန်က စရေပါမယ်။ ၂ ခုကြွင်းလို့ မိန်က စရေမှာဖြစ်ပါတယ်။ ရေရမယ့် အရေအတွက်နဲ့ ပုံစံလိုနေပါသေးတယ်ခင်ဗျာ။ အာယုစန်းသည် ၀ ပါဒ် ၇ ဃဋီဖြစ်တာကြောင့် ပါဒ်အားဖြင့် ၁ ပါဒ်လို့ ပြောနိုင်ပါတယ်ခင်ဗျာ။ အရေအတွက်သည် ၁ ရေရမှဖြစ်ပါတယ်။

ရေပုံရေနည်းမှာတော့ မိန်မှ စပြီး မိဿကို ၁ ၊ ပြိဿကို ၂ လို့ ရေတွက်ရမှာဖြစ်ပါတယ်။ ဒါ့ကြောင့် မိဿ ရာသီမှာ ဖွားန၀င်းတည်နေတယ်လို့ တွက်ချက်လို့ ရပါတယ်။

မှတ်ချက်။ ။ဒီမှာ ရေတွက်ပုံက အခြား အတန့်ရေတွက်ပုံများနဲ့ မတူပဲ ၁ ခုလိုနေသလို ထင်ကြနိုင်ပါတယ်ခင်ဗျာ။ ဒါကတော့ ပြောပြသူဆရာတို့က ဒီလိုပုံနဲ့ သင်ကြားခဲ့ရဟန်တူပါတယ်။ ဒါပေမယ့် ညှိလို့ ရတာတစ်ခုက မရေခင်တည်းက တစ်တန့်နောက်ဆုတ်ပြီးရေတာကို သတိပြုမိကြမယ်ထင်ပါတယ်။ အာဘော်မပျက်အောင် ဆရာ့နည်းအတိုင်း ပြန်လည်တင်ပြလိုက်တာပါခင်ဗျ။ ရေတွက်လိုက်ပုံကို မရှင်းမှာစိုးတာကြောင့် သရုပ်ပြပုံနဲ့ ပူးတွဲဖေါ်ပြလိုက်ပါတယ်ခင်ဗျာ။
အစိမ်းရောင် တြိဂံသည် နောက်ဆုတ်လိုက်ရာ ရာသီအရ ပြောင်းလဲ ယူဆရမည်ဖြစ်ပါတယ်။ ကာလကို တွက်မည်ဆိုပါက စားန၀င်းသည် တစ်နှစ်တာကိုယ်စားပြုပြီး ၁ ပါဒ်စာမျှ ကြာပါသောကြောင့် မူလ တွက်ချက်ခဲ့ရာ ၇ ဃဋီကို ပြန်ရောက်ရမှာဖြစ်ပါတယ်။ ပါဒ်ကို စားန၀င်းရေစဉ်က ၇ ဃဋီကို ၁ ပါဒ်စာမျှ ထားခဲ့ပါသောကြောင့် ၁ ပါဒ်ပြီးမြောက်ပြီး ၂ ပါဒ်ဆီရောက်ရန် ၈ ဃဋီမျှကျန်ပါသေးတယ်ခင်ဗျာ။

၁ ဃဋီသည် ၁၅ ရက်ကို ကိုယ်စားပြုတာကြောင့် အဆိုပါ မိဿစားန၀င်းသည် ယခုတွက်ချက်သည့် 28.2.2010 မှ လွန်ခဲ့သော (၇ ဃဋီ = ၁၆၈ ရက်) ၅ လ ၁၈ ရက်မှ အစပြုပြီး တစ်နှစ်ပြည့်မည့် နောင် (၈ ဃဋီ =) ၆ လ ၁၂ ရက်တိုင် တည်ရှိနေမှာဖြစ်ပါတယ်။

ရက်စွဲအားဖြင့် 10.9.2009 မှ 10.9.2010 တိုင်အောင် မိဿမှာ စားန၀င်းတည်မှာ ဖြစ်ပါတယ်။

(၅) ဖွားန၀င်းရပ်ရာရာသီဘာဝ နှင့် သက်ဆိုင်ရာ ကာလကို တွက်ပါ။

ဖွားန၀င်းကတော့ အထူးတွက်စရာမလိုတော့ပါဘူးခင်ဗျာ။ လွန်မြောက်ခဲ့တဲ့ ၇ ဃဋီအတွက် ၁၆၈ ရက်ကို န၀င်းစက်လိုပိုင်းမှာ ဖြစ်ပါတယ်။ တစ်နှစ်ကို ၉ ပိုင်းတော့ တစ်ပိုင်းကို ရက် ၄၀ ရှိမယ်။ ၁၆၈ ရက်သည် ၄ ပိုင်းပြီးမြောက်ပြီး ၅ ပိုင်းထဲရောက်တာကြောင့် ၅ ခုရေပါမယ်။

ဘယ်က စရေမလဲဆိုတော့ စားန၀င်းတည်ရာ မိဿမှာ တစ်ခွင်လျှော့ မိန်မှသည် (ကျော်ပြီးမှ ချရေစနစ်ဖြင့်) မိဿကို (၁)၊ ပြိဿကို (၂)၊ မေထုန်ကို (၃)၊ ကရကဋ်ကို (၄)၊ သိဟ်ကို (၅) စသည်ဖြင့်ရေပါသောကြောင့် သိဟ်ရာသီတွင် ဖွားန၀င်းတည်ပါတယ်။ ရက်အားဖြင့် ၄၀*၄=၁၆၀ ရက်ကိုမှ ၈ ရက်သာ စွန်းပါသဖြင့် ဖွားန၀င်းသည် သိဟ်ရာသီတွင် 28.2.2010 မှ လွန်ခဲ့သော ၈ ရက်မှသည် နောက် ၃၂ ရက်တိုင် တည်မည်ဟု တွက်ချက်ရရှိပါသည်။

ရက်စွဲအားဖြင့် 20.2.2010 မှ 31.2.2010 တိုင် သိဟ်ရာသီတွင် ဖွားန၀င်းတည်ကြောင်း တွက်ချက်ရရှိပါတယ်ခင်ဗျာ။

ကျွန်တော့်အမြင်

ဒီနည်းစနစ်ဟာ ခက်သလိုရှိပေမယ့် တကယ်တွက်ပြီးတဲ့ အခါမှာ အတော်လေးလွယ်တာတွေ့ရပါတယ်။ ရက် ၄၀ စီး ဖွားန၀င်း အကြောင်း ဟောသွားရင်း ၉ ခု မကျော်ခင်ကာလမှာ စားန၀င်း အိမ်ပြောင်းမယ်။ စားန၀င်း ၉ ခုပြီးပြန်တော့ အာယုစန်းလည်း အိမ်ပြောင်းတာပေါ့ဗျာ။ ကျွန်တော်ကတော့ မစမ်းသပ်ရသေးတာကြောင့် အဟောတွေကို မဝေဖန်နိုင်ပါ။ သို့သော် အဟောထုတ်ရာမှာတော့ အိမ်တွေလည်နေတာကြောင့် အဟောစုံမည်ဟုထင်မိပါကြောင်း။

တစ်စုံတစ်ဦးအတွက် ပညာတိုးတယ်ဆိုရင်ပဲ ၀မ်းမြောက်လှကြောင်းပါခင်ဗျာ။