ဘာဝတို့ အကြောင်း (၂)

MOTAA – Astrology Course (Level-1) 

ကိန်းအိမ်များ

ကိန်းအိမ် ဆိုသည်မှာ လဂ်မှစတင်ရေတွက်သော ၁-တန့်ဘာဝ၊ ၄-တန့်ဘာဝ၊ ၇-တန့်ဘာဝ၊ ၁၀-တန့်ဘာဝတို့ ဖြစ်သည်။ ၄င်းတို့သည် ဇာတာတစ်စောင်အတွက် အရေးအကြီးဆုံးသော ဒေါက်တိုင်ကြီး ၄-ခုပင် ဖြစ်ပြီး၊ ထိုကိန်းအိမ်များတွင် အင်အားကောင်းသော သောမဂြိုဟ်များမှ တိတိကျကျ လွှမ်းမိုးနေရာ ယူထားခြင်းရှိပါက အခြားသော ဆိုးရွားသည့် အချက်များ ရှိလျှင်ပင် တန်ပြန်ကာကွယ်နိုင်သော အနေအထားတွင် ရှိသည်။ အခြားသော ကောင်းမွန်သည့် အနေအထားများရှိပါက ထိုအနေအထားတို့ကို တောင့်တင်း ခိုင်မာစေရန် အင်အားဖြည့်ပေးထားသဖြင့် ဇာတာတစ်စောင်အား စစ်ဆေးရာတွင် အရေးပါသော အဓိကနေရာများ ဖြစ်သည်။ အဆိုပါ ကိန်းအိမ်များကိုပင် စရိုက် သဘာဝ(စရ၊ ထိရ၊ ဒွိဘာဝ) အရ လေ့လာပါက ၄င်းတို့သည်စရိုက် အတူတူ ရှိနေသည်ကို တွေ့ရသည်။


ကိန်းအိမ်များ အရေးကြီးပုံ

ရှေးကျမ်းဂန်များတွင် ကိန်းအိမ်များ အရေးပါပုံနှင့်ပါတ်သက်၍ ကိန်းအိမ်နှင့် သက်ဆိုင်သော အလွန်အရေးပါသည့် ယုဂ်(ယောဂ) ၅-မျိုးကို ဖေါ်ပြထားပါသည်။ ထိုယော ၅-မျိုးကို “ပဉ္စမဟာပုရုသယောဂ” ဟု ခေါ်တွင်၍ ၄င်းတို့မှာ အောက်ပါအတိုင်း ဖြစ်ပါသည်။
  •   ရုစက ယောဂ
အင်္ဂါဂြိုဟ်သည် ကိန်းအိမ်တွင်ရပ်တည်၍ ဥုစ်ရနေခြင်း၊ မိမိပိုင်အိမ်တွင် ရပ်တည်ခြင်း ဖြစ်သော ဤယောဂကို ရသည်။ (ဘရိဂု ရသေ့ကြီးရေးသားသော ဘရိဂု သျှတ္တရ ကျမ်း- အခန်း ၃) ဤဇာတာရှင်သည် ကြည့်ကောင်းသော ရုပ်ရည်၊ ထင်ရှားသော မျက်နှာနှင့် လှပသော မျက်ခုံး၊ နက်မှောင်သော ဆံပင် တို့ရှိတတ်သည်။ ဇာတာရှင်သည် ရဲရင့်ပြီး၊ သတ္တိနှင့် ပြည့်စုံသည်။ အင်အားအပြည့်အ၀ သုံးတတ်ပြီး၊ စွန့်စား ရသော လုပ်ငန်းများကို ထိုးဖောက် ကျော်ဖြတ်ရန် အလွန်စိတ်အား ထက်သန်တတ်သည်။ ထိုလုပ်ရပ်တို့မှ ဇာတာရှင်အား အောင်မြင် ကျော်ကြား စေလိမ့်မည်။ မြင့်မြတ်သော မျိုးရိုးမှ လာသူဖြစ်တတ်၍၊ ယှဉ်ပြိုင် ရင်ဆိုရခြင်း တို့ကို နှစ်သက် တတ်သူဖြစ်ပြီး၊ ရန်သူကို ချေမှုန်းသော စစ်သူကြီး၊ ဂိုဏ်း ခေါင်းဆောင် တို့ကိုဖြစ်စေတတ်သော အနေအထား ဖြစ်သည်။ လူတန်းစား ခွဲခြားတတ်သော၊ မိမိအကြိုက်၊ မိမိမုန်းသည့် အရာများ ထင်ရှားစွာရှိတတ်သည်။ ရှားပါးသော အတတ်ပညာတို့ကို တတ်မြောက်လျှက် အသက်ရှည် လိမ့်မည်။ ရုစက ယောဂ ရသူသည်- ရဲရင့်ခြင်း၊ မာန ကြီးခြင်း၊ နှင့် တိုက်ပွဲများတွင် အောင်မြင် တတ်သော အနေအထားကို ရသည်။ ထင်ရှားသော ဥပမာမှာ အိန္ဒိယမှ မယ်စကြာဝဠာလည်း ရခဲ့ပြီး ရုပ်ရှင်မင်းသမီးလည်း ဖြစ်ကာ၊ သန်းကြွယ်ချမ်းသာနေသော အိုင်ရှာ ၀ီရာ ရိုင် (ရုပ်ရှင် မင်းသားကြီး အမီတာ ဘဂျမ်း၏ ချွေးမ) ဖြစ်သည်။ နောက်တစ်ဦးမှာ ဟစ်တလာ ဖြစ်သည်။
  • ဘဒြ ယောဂ
ဗုဒ္ဓဟူးသည် ကိန်းအိမ်တွင် ရပ်တည်၍ ဥုစ်ရနေခြင်း၊ သို့မဟုတ် ကသစ်ရနေခြင်း ဖြစ်ပါက ဤယောဂကိုရသည်။ (ဘရိဂု သျှတ္တရ- အပိုဒ် ၁၃ အရ) ဤယောဂကို ရထားခြင်းဖြင့် ဇာတာရှင်သည် ကာယစွမ်းအင် ပြည့်စုံကာ၊ ကျန်းမာခြင်း၊ လက်တံခြေတံ ရှည်လျားခြင်း ရှိတတ်သည်။ ခြင်္သေ့ကဲ့သို့သော ဥပဓိရုပ်ရှိတတ်၍၊ ရတနာဆင်တော်ကဲ့သို့ တင့်တယ်ခြင်း မျိုးရှိတတ်သည်။ သြဇာကြီးမားသော သွင်ပြင်ရှိ၍၊ ရင်အုပ်ကျယ်ခြင်း၊ ကိုယ်လက်အင်္ဂါ အချိုးကျခြင်း၊ နဖူးပြင်လှပခြင်း၊ ဆံပင်နက်မှောင်၍ ကောက်ကွေးတတ်ခြင်း တို့ရှိတတ်သည်။ ထင်ရှားသော သြဇာသံ ရှိတတ်သည်။ ကုသိုလ်ကောင်းမှု ပြုတတ်သူဖြစ်၍ လေ့လာသင်ကြားတတ်သူ ဖြစ်သည်။ တည်ကြည်သောစိတ်ရှိပြီး ဥာဏ်ကောင်းသည်။ မည်သည့် အရာကို လုပ်သည်ဖြစ်စေ၊ သူတစ်ပါးအား မှီခိုမှု ကင်းတတ်သည်။ မျှတ၍ ခွင့်လွှတ်တတ်သူဖြစ်သည်။ လွန်စွာချမ်းသာ၍၊ စည်းစိမ်၊ ဇနီး၊ သားသမီး တို့ဖြင့် ပြည့်စုံတတ်သည်။ အသက် ၈၀ ကျမှ မြင့်မြတ်သော နေရာတွင် သေဆုံးရတတ်သည်။ (သာဝလိ ကျမ်း အရ- ဇာတာ ရှင်သည် လှပသော ကိုယ်ခန္ဓာရှိမည်။ ပညာရှိဖြစ်ပြီး တိုင်းပြည်အတွက် အဘိုးတန်သော ဥာဏ်ပညာရှိမည်။ အနုပညာ၊ ကဗျာ ရေးဖွဲ့ခြင်း၊ တိုနှင့် သင်္ချာ ပညာတို့တွင် ထူးချွန်မည်။ သူသည် ချိုသာပြီး ပါးနပ်သောစကားပြောနိုင်သူဖြစ်ပြီး၊ အသက်ရှည်လိမ့်မည်။) (ဗြို့ဟဇ် ဇာတက ကျမ်းအရ ဤပုဂ္ဂိုလ်သည် ပညာတတ်သောသူဖြစ်မည်။ ဖလဒီပကကျမ်း အလိုအရ ဤသူသည် ကျမ်းစာတို့ကို တတ်မြောက်မည်။ ချိုသာစွာ ပါးပါးနပ်နပ် ပြောတတ်၍ အသက်ရှည်မည်။ သာဝတ္ထ စိဏ္တာမယ ကျမ်းအရ - အသက်တိုစေ တတ်သော အရိဌ ယောဂတို့ပါရှိပါက ထိုယောဂ ဆိုးတို့ကို ပယ်ဖျက်မည်။ အသိဥာဏ် မြင့်မားပြီး စာရေးလိမ့်မည်။ ဆေးကုသပါကလည်းတော်သော သမားတော် ဖြစ်မည်။ ထင်ရှားသော ဥပမာ မှာ- ကမ္ဘာကျော် သူဌေးကြီး ဘီလ်ဂိတ် ဖြစ်သည်။
  • ဟံသ ယောဂ 
ကြာသပတေးသည် ကိန်းအိမ်တွင် ရပ်တည်၍ ဥုစ်ရနေခြင်း၊ သို့မဟုတ် ကသစ်ရနေခြင်း (မိမိ ပိုင်သော ရာသီတွင် ရပ်တည်ခြင်း၊) ဖြစ်သော်လည်း ကြာသပတေးသည် တနင်္ဂနွေ သို့မဟုတ် တနင်္လာနှင့် ပူးနေပါက ဤယောဂ ကိုရသည်။ (သမ္ဗူဟောရ ပရကသျှ ကျမ်း ၂၀။၂၀)၊ ဤယောဂကို ရထားသော ဇာတာရှင်သည် ကောင်းမွန် ကြည့်ကောင်းသော အသားအရောင်ရှိ၍ ထင်ရှားသော မျက်နှာပေါက်၊ လှပသော မျက်နှာအနေအထား၊ ရှိတတ်သည်။ သာယာသော အသံရှိသည်။ ရေကို နှစ်သက်တတ်သည်။ အသိဥာဏ် ဗဟုသုတနှင့် ရှေးဟောင်းကျမ်းစာများကို အစဉ်မပြတ် ရှာဖွေနေတတ်ပြီး၊ အများသူငါ အား ကောင်းမှုပြုကာ လှပသော ဇနီးကို ရတတ်သည်။ ရုပ်ပိုင်း စည်းစိမ် မျိုးစုံကို စံစားလျှက် အသက် ၁၀၀-အထိ နေရမည်ဟု ဆိုထား သည်။ ထင်ရှားသော ဥပမာမှာ- အမေရိကန် နိုင်ငံ လွတ်လပ်ရေး ဖခင် တစ်ဦးလည်းဖြစ် နက္ခတ္တဝေဒ ပညာကို ကျွမ်းကျင်တတ်မြောက်၍ ၄င်းကိုယ်တိုင် သံဒိဌဂြိုဟ်သွား ပြက္ခဒိန်ကိုပြုစုခဲ့သူလည်းဖြစ်၊ လွန်စွာအဆင့်မြင့်သော အင်းပညာကိုလည်း တတ်မြောက် တီထွင်ခဲ့သူလည်းဖြစ်သော ဘင်ဂျမန်ဖရန်ကလင် ဖြစ်သည်။ အမေရိကန် ဒေါ်လာ ၅၀-တန်တွင် ၄င်း၏ ရုပ်ပုံကိုဖေါ်ပြထားပါသည်။
  • မာလ၀ရ ယောဂ
သောကြာသည် ကိန်းအိမ်တွင် ရပ်တည်၍ ဥုစ်ရနေခြင်း၊ သို့မဟုတ် ကသစ်ရနေခြင်း ဖြစ်ပါက ဤယောဂကိုရသည်။ ဤယောဂကို ရထားသူသည် ကျက်သရေ ရှိသော၊ တင့်တယ်သော အသွင်အပြင်ရှိ၍၊ လှပသော နှုတ်ခမ်း၊ သေးသွယ်သော ခါး၊ လှပသော ကိုယ်ခန္ဓာ၊ လေးနက်သော အသံ၊ တောက်ပသော သွား၊ ထွန်းလင်းသော အသားအရောင်နှင့်ပြည့်စုံကာ ပြည့်သော လ၀န်းကဲ့သို့ရှိမည်။ ပါးတို့သည် ပြည့်ဖောင်းလျှက် မျက်လုံးတို့တောက်ပကာ၊ လက်တံ ရှည်လျားမည်။ ဇာတာရှင်သည် ပညာတတ်မြောက်ပြီး၊ ကျမ်းစာများကို ကောင်းစွာတတ်မြောက်လျှက်၊ ကြွယ်ဝ ခြင်းတို့သည် ဇာတာရှင် ကိုယ်တိုင်ကြောင့် ဖြစ်ထွန်းလိမ့်မည် ဘုန်းတန်ခိုးကြီး၍ ကောင်းမွန်သော အိမ်ထောင်ဘက်၊ သားကောင်း သမီးကောင်းတို့ကို ရရှိကာ စည်းစိမ် ဥစ္စာဟူသမျှနှင့် ပြည့်စုံမည်။ အသက် ၁၀၀ အထိ နေရမည်။ (ဇာတကမာသဏဓမ္မကျမ်း)၊ ထင်ရှားသော ဥပမာမှာ မဟတ္တမ ဂန္ဓီနှင့် အမေရိကန် သမ္မတဂျွန်ဖက်ကနေဒီတို့ ဖြစ်ကြသည်။
  • သျှဿ ယောဂ
စနေသည် ကိန်းအိမ်တွင် ရပ်တည်၍ ဥုစ်ရနေခြင်း၊ သို့မဟုတ် ကသစ်ရနေခြင်းဖြစ်ပါက ဤယောဂကိုရသည်။ ဤယောဂကို ရခြင်းဖြင့် ဇာတာရှင်သည် ပုံမှန် အရပ်အမောင်းအနေ အထားရှိကာသေးသွယ်သော ခါး၊ အပေါ်သို့ အတန်ရောက်သော သွားအနေအထား၊ အသားညို လိမ့်မည်။ ထူးဆန်းသော နေရာများသို့သွားလိုသော စိတ်ရှိသည်။ ရဲရင့်ပြီး ရက်စက်တတ်သည်။ အခြား ဥစ္စာပစ္စည်းတို့ကို တပ်မက်တတ်သည်။ မိခင်ကို မြတ်နိုးလျှက် မိမိ၏ မိတ်ဆွေများကို ခုံမင်တတ်သည်။ စစ်တပ် တို့တွင် သော်လည်းကောင်း၊ နေထိုင်ရာ၊ မြို့ရွာ၊ အုပ်စုတို့တွင် အကြီးအမှူး ဖြစ်တတ်သည်။ အလုပ်လုပ်ရာတွင် ကျွမ်းကျင် အရည်အချင်းရှိပြီး၊ ချမ်းသာမည်။ ပညာတတ်မည်။ သူများအား အပြစ်တင်တတ်မည်။ သူတပါး အိမ်ထောင်ဘက် ပေါ်တွင် ပစ်မှားတတ်သော သဘော ရှိသည်။ သတ္တုနှင့်ပါတ်သက်သော၊ ဓာတုဗေဒနှင့် ပါတ်သက်သော ကိစ္စများတွင် ကျွမ်းကျင်ပြီး၊ အသက် ၇၀-အထိ နေရမည်။(ဇာတကမာသဏဓမ္မကျမ်း)

အိန္ဒိယ မြောက်ပိုင်းပုံစံ ဇာတာခွင်နှင့် အနောက်တိုင်းပုံစံ ဇာတာတို့သည် ဘာဝကို ဦးစားပေးသော ဇာတာပုံစံများ ဖြစ်သဖြင့် ၄င်းတို့ကို အသုံးပြု၍ ဇာတာတစ်စောင်ကို စစ်ဆေးရာတွင် ကိန်းအိမ်များအား အောက်တွင် ပြထားသည့်အတိုင်း အလွယ်တကူမြင်ရမည် ဖြစ်သည်။ မြန်မာဇာတာတွင်မူ ဘာဝစက်ဆိုသော ဇာတာခွင်နောက်တစ်ခုဖြင့် ဖော်ပြရန် လိုအပ်ပါသည်။


တြိဂေါဏ အိမ်များ (တြိကုန်း အိမ်များ) 

တြိဂေါဏအိမ် ဆိုသည်မှာ လဂ်မှ စတင်ရေတွက်သော ၁-တန့်ဘာဝ၊ ၅-တန့်ဘာဝ၊ ၉-တန့်ဘာဝ တို့ဖြစ်သည်။ မြန်မာပညာရှင်များက တြိကုန်း အိမ်များဟူ၍ အလွယ်ခေါ်ဆိုကြပါသည်။ မူလတြိဂေါဏနှင့် မရောပါစေနှင့်။ ၄င်းတို့သည် ၃၆၀ ဒီဂရီ ရှိသော စက်ဝန်းအား ၁၂၀ ဒီဂရီစီဖြင့် အညီအမျှ ဖိုခနောက်တည်နေသော ဘာဝများဖြစ်သဖြင့် အထက်တွင်ဖေါ်ပြခဲ့သော ကိန်းအိမ်များပြီးလျှင် ဒုတိယအရေးအကြီးဆုံးသော ဘာဝအိမ်များဖြစ်သည်။ ၁-တန့်ဘာဝ(လဂ်) အနေဖြင့်မူ အရေးအကြီးဆုံးဖြစ်သဖြင့် ၄င်းသည် ကိန်းအိမ်တွင်ရော၊ တြိကုန်း အိမ်များမှာပါ ပါဝင်နေသည်။ ထို့အပြင် အထက်တွင် တင်ပြခဲ့သည့်အတိုင်း ဓမ္မဘာဝအိမ်များသည် ဓါတ်သဘောတူသော ရာသီများတွင် ကျရောက်နေကြသည်။ တနည်းအားဖြင့် ဇာတာတစ်စောင်၏ တည်ဆောက်မှု ဓါတ်သဘောတွင် အလွန်အရေးကြီးသော ဘာဝအိမ်များ ဖြစ်ကြသည်။(မဟာဘုတ်ပညာ သည်လည်းကောင်း၊ ဖုန်းရွှေပညာ သည်လည်းကောင်း၊ ပုဂ္ဂလပညတ်ဆေးပညာ၊ အာယုဗ္ဗေဒ ဆေးပညာတို့သည်လည်းကောင်း ဓါတ်သဘောကို ဦးစားပေး စစ်ဆေးသောပညာများ ဖြစ်သကဲ့သို့ နက္ခတ္တပညာဖြင့်ဖွဲ့သော ဇာတာတို့သည် ဂြိုဟ်ပူး၊ဂြိုဟ်မြင် တို့ကိုသာ ဦးစားမပေးပဲ ဓါတ်သဘောကို လေ့လာနိုင်ပါက အလွန်အကျိုးထူးပါလိမ့်မည်။)


ဒုဌာန အိမ်များ

ဒုဌာန အိမ် ဆိုသည်မှာ လဂ်မှ စတင်ရေတွက်သော ၆-တန့်ဘာဝ၊ ၈-တန့်ဘာဝ၊ ၁၂-တန့်ဘာဝ၊ တို့ဖြစ်သည်။ ၄င်းတို့အကြောင်းကို နောက်ပိုင်း ဘာဝတစ်ခုချင်း ရှင်းပြသော အခန်းတွင် လေ့လာပါ။

အခြားသော ဘာဝ အိမ်များ

လဂ်မှ စတင်ရေတွက်သော ၂-တန့်ဘာဝ၊ ၃-တန့်ဘာဝ၊ ၁၁-တန့်ဘာဝ၊ တို့ကိုမူ ကိန်းအိမ်၊ တြိကုန်းအိမ်တို့လောက် ဦးစားမပေးသော်လည်း ကောင်းမွန်သော ဘာဝများအဖြစ် အသုံးပြုသတ်မှတ်သည်။

No comments:

Post a comment

ဒီpostနဲ့ပတ်သတ်လို့ ပြောချင်တာရှိရင် ပြောခဲ့ဖို့ပါဗျာ။