ရာသီခွင်တို့အကြောင်း (၃)

MOTAA – Astrology Course (Level-1) 

ရာသီတစ်ခုချင်း အကြောင်း

မိဿရာသီ 

စရ-ရာသီ၊ မီးဓါတ် ရာသီ ဖြစ်သည်။ မိဿရာသီရှင်တို့သည် ကနဦးစတင်တတ်ကြသူများ ဖြစ်ကြသည်။ သူများတကာကိုလည်း တွန်းအား၊ဖိအား ပေးတတ်သည်။ လုပ်စရာရှိလျှင်  စောင့်စားရမည်ကို မနှစ်သက် တတ်သူများ ဖြစ်သည်။ ကိစ္စတစ်ခုကိုစတင် စေရသည့် ၄င်းတို့၏ အကြောင်းရင်းသည် ရည်ရွယ်ချက်၊ ပန်းတိုင် အတွက်၊ တနည်းအားဖြင့် စိတ်ဇောကြောင့် ဖြစ်၏။ ထို့ကြောင့်လည်း အလုပ်ကိုလုပ်ရာတွင် အင်အားသုံး လုပ်လိုသည့် အကြမ်းဘက်ရန် ၀န်မလေးသည့်၊ ပြဿနာတို့ကို ဖေါ်ဆောင်တတ်သည့် အင်္ဂါဂြိုဟ်သည် ဤမိဿရာသီကို ပိုင်ဆိုင်သည်။ အင်္ဂါသည် ရေ ရာသီဖြစ်သော ဗြိစ္ဆာ ရာသီကို ပါပိုင်ဆိုင်သော်လည်း ၄င်း၏ စရိုက်နှင့် ကိုက်ညီသော ဤမိဿရာသီ အတွက်မူ ပို၍ အင်အားကောင်း သောကြောင့် မူလတြိကောဏ အိမ်ရှင် (တနည်းအားဖြင့် ဤရာသီ၏ သခင်) အဖြစ်နှင့်ရှိနေသည်။ တစ်ဖန်- ဦးဆောင်ရခြင်း၊ စတင်တည်ဆောက်ရခြင်း၊ ရည်ရွယ်ချက်ပန်းတိုင် ကို ကိုယ်စားပြုသော ရာသီ
ဖြစ်သောကြောင့် ဦးဆောင်ခြင်း၊ ရည်ရွယ်ချက် အောင်မြင်ခြင်း၊ ထင်ရှားကျော်ကြားခြင်းတို့ကို တာဝန်ယူသော တနင်္ဂနွေဂြိုဟ်သည် ဤရာသီတွင် အင်အားကောင်း ခြင်း (ဥုစ်ရခြင်း) ကို ဖြစ်သည်။ သို့သော်လည်း ကိုယ်တိုင်ကိုယ်ကျ တာဝန်ယူခြင်း၊ မငြီးမငြု သည်းညည်း ခံခြင်း၊ အပင်ပန်းခံခြင်း၊ တရားမျှတမှု၊ သမာသမတ် ကျမှုနှင့် သက်ဆိုင်သော စနေဂြိုဟ်သည် ဤရာသီတွင် အင်အားနည်းပါး သောကြောင့် နိစ်ရသည်ဟု သတ်မှတ်ထားကြရပါသည်။

(မှတ်ချက်။  ။တန်ခူးလတွင် နေသည်အပူပြင်းဆုံးဖြစ်ကာ မိဿရာသီပိုင် နက္ခတ်များပေါ် တနင်္ဂနွေစီးတာကြောင့် မိဿမှာ တနင်္ဂနွေ ဥစ်မူသည်ဟု မှတ်သားဖူးပါသည်။ ကိုပခန်း)

ပြိဿရာသီ

ထိရရာသီ၊ မြေရာသီ ဖြစ်သည်။ ပြိဿ ရာသီရှင်တို့သည် ၄င်းတို့ပိုင်ဆိုင် ထားသော ရုပ်ဝတ္ထုပစ္စည်းတို့အား တွယ်တာတတ်ကြသည်။ အသစ်ပေါ်၍ အဟောင်းကို လွှင့်ပစ်ရန် တောင်းဆိုလာလျှင် ငြင်းမည့် သူမှာပြိဿ ရာသီရှင်တို့ပင် ဖြစ်သည်။ သူတို့ အမြတ်တနိုးထားသော ပစ္စည်းတို့ကို နေရာ ရွှေ့ပြောင်းလျှင်ပင် ကြိုက်တတ်သည့် လူမျိုးမဟုတ်ပါ။ တွယ်တာ တပ်မက်ခြင်း၊ သက်တောင့် သက်သာ နေလိုခြင်း၊ စည်းစိမ် ချမ်းသာကို တာဝန် ယူသော သောကြာဂြိုဟ်သည် ဤရာသီကို ပိုင်ဆိုင်ထားသည်။ ရေဓါတ် သဘာဝရှိသော တနင်္လာဂြိုဟ်သည် မြေဓါတ် သဘာဝကို ကြိုက်နှစ်သက်သည်။ သို့သော်လည်း အခြားသော မြေဓါတ်ရှိသည့် မကာရနှင့် ကန်တို့ကို ပြိဿရာသီ လောက်မကြိုက်၊ ကန်ရာသီ တွင် မြေသြဇာဓါတ် အနေဖြင့် မဖြစ်ထွန်း နိုင်သလို၊ စနေပိုင် ထားသည့် မကာရ ရာသီကို လှပ၊ နူးညံ့မှု၊ မိန်းမ ဆန်သည့် သောကြာ ပိုင်သည့် ပြိဿလောက် တနင်္လာက မကြိုက်။ ထို့ကြောင့် တနင်္လာသည် ပြိဿတွင် နှစ်ခြိုက်သည်။

နောက်တစ်ခုက - ခိုင်မြဲသောသဘာဝ ရှိသည့် ပြိဿ တွင်- ရပ်တည်ခြင်းဖြင့်- လဆန်း၊ လဆုတ်တလှည့်စီဖြင့် မတည်မငြိမ် ဖြစ်နေရသော တနင်္လာ အဖို့ တည်တည် ငြိမ်ငြိမ် ဖြစ်လာသည်။ အခြားသောမြေဓါတ် ရာသီတို့မှာ ပြိဿလို မတည်ငြိမ်ချေ။ ထို့ကြောင့်ပင် တနင်္လာဂြိုဟ် (မြန်မာ အခေါ် စန်း)သည် ဤပြိဿ ရာသီတွင် အင်အားကောင်း ခြင်း (ဥုစ်ရခြင်း) ဖြစ်နေတော့သည်။

(မှတ်ချက်။  ။ တန်ဆောင်မုန်းလပြည့်လသည် အထွန်းလင်းဆုံးဟု သိကြရာတွင် တန်ဆောင်မုန်းလတွင် နေသည် တန်ဆောင်မုန်းလနက္ခတ်များအပေါ်စီးနင်းနေသည်။ လပြည့်ချိန်တွင် လ,သည် နေနှင့် ဆန့်ကျင်ဘက် ပြိဿပိုင် နက္ခတ်များပေါ်မှာစီးနင်းရမည်။ ထို့ကြောင့် ပြိဿရာသီတွင် လပြည့်ဝန်းအထွင်းလင်းဆုံးမို့ ပြိဿရာသီတွင် ဥစ်မူသည်ဟု မှတ်သားဖူးပါသည်။ ကိုပခန်း)

မေထုန်ရာသီ 

ဒွိဘာဝ ရာသီ လေဓါတ်ကို အစိုးရသော ရာသီဖြစ်သည်။ အလိုက်သင့် အလျားသင့် နေတတ်သော ဒွိဘာဝ သဘောနှင့်၊ လေဓါတ် ၏ သဘောကို ရထားသော မေထုန် ရာသီရှင် တို.အနေဖြင့်- စကား အပြော အဆို၊ စာအရေးအသား၊ စိတ်သဘော ထားတို.ကို ပါတ်ဝန်းကျင်နှင့် အညီ သင့်တော်သလို ပြောင်းလဲ ပစ်တတ်သူ မျိုးဖြစ်သည်။ ထို.ကြောင့်လည်း- ပါတ်ဝန်းကျင်နှင့်ဆက်ဆံရာတွင် ပါးနပ်လိမ္မာသော ဆက်ဆံရေးကို ထိမ်းသိမ်း နိုင်သူများ ဖြစ်သည်။ ထို့ကြောင့် မေထုန်ရာသီအား ပါးနပ်လိမ္မာ၍ ပြောဆို ဆက်ဆံရေး၊ စာပေ အရေးအသား နှင့် သက်ဆိုင် သော ဗုဒ္ဓဟူးဂြိုဟ်က အိမ်ရှင် အနေဖြင့် ပိုင်ဆိုင်ထားသည်။ သို့သော်လည်း ဤရာသီ တွင် မည်သည့်ဂြိုဟ် အနေဖြင့်မှ ထူးထူးထွေ အင်အားကောင်း နိုင်ခြင်း မရှိပါ။

ကရကဋ် ရာသီ 

စရ-ရာသီ၊ ရေ-ရာသီ ဖြစ်သည်။ ခံစားဓါတ်သော ရေဓါတ်နှင့် မြန်ဆန်တတ်သော စရဓါတ်တို့ကို ဖေါ်ပြနေသော ရာသီ ဖြစ်သော ကြောင့်ကရကဋ် ရာသီရှင်တို့သည် မိမိ၏ စိတ်ခံစားချက် နှင့် ပါတ်သက်လျှင် မအောင့်နိုင်၊ သည်းညည်း မခံသူ များ ဖြစ်သည်။ ခံစားချက်ကို ရည်ရွယ်ချက်ထက်ပို၍ ဦးစားပေးတတ်သည်။ မည်သည့် ကိစ္စမဆို- ၄င်းတို့၏ စတင်စေရသည့် အကြောင်းရင်းသည် စိတ်ခံစားချက် ကြောင့် ဖြစ်၏။ စိတ်ခံစားမှု၊ အေးချမ်းမှု၊ တို့ကို သရုပ်ဖော်သော တနင်္လာသည်- ဤရာသီ၏ ပိုင်ရှင် ဖြစ်သည်။ သာမာန်ပိုင်ရှင် အနေဖြင့်သာ မဟုတ်၊ မူလတြိဂေါဏ အိမ်ရှင် ဆိုသော (ရာသီ၏ သခင်) အနေ အထားကို ရထားသည်။ မြေဓါတ် ဂြိုဟ်ဖြစ်လည်း- ပညာ အသိဥာဏ်ကို အစိုးရသော ဂြိုဟ်လည်း ဖြစ်သော ကြာသပတေးသည် မိခင်၏ ကြင်နာသော ဓါတ်၊ ချစ်ခင်တတ်သော၊ ခံစားတတ်သော၊ အေးချမ်းသော၊ ရေဓါတ် ဖြစ်သည့် တနင်္လာတွင် ကောင်းသော အင်အားကို ရသည်။ ထို့ကြောင့်လည်း ကြာသပတေး သည် ကရကဋ် ရာသီတွင် အင်အားကောင်းခြင်း (ဥုစ် ရခြင်း) ကို ဖြစ်စေသည်။

သိဟ်ရာသီ 

သိဟ်ရာသီ သည် ထိရ-ရာသီ၊ မီးရာသီ ဖြစ်သည်။ ခိုင်မာသော ထိရ ရာသီ၏ စရိုက်နှင့် အောင်မြင်မှု၊ အာဏာကို ရယူလိုသော၊ ရည်ရွယ်ချက် ကြီးမားသော မီးဓါတ် တို့ကြောင့် သိဟ်ရာသီ ပိုင်ရှင် တို့သည်မိမိတို့၏ လုပ်ပိုင်ခွင့်၊ အခွင့် အာဏာ နှင့် ပါတ်သက်လျှင်တွယ်တာ တတ်ကြသူများ ဖြစ်သည်။ သူများက သူတို.၏ အရည်အချင်းကို အထင်ကြီးစေချင်သည်။ သူလုပ်မည့်အပြောင်း အလဲမျိုး ဆိုသည်မှာလည်း သူရထားသည့် လုပ်ပိုင် ခွင့်အာဏာ ကို ဆက်ထိမ်းထားနိုင်မည့် အပြောင်း အလဲ မျိုးသာ ဖြစ်သည်။ အောင်မြင်မှု၊ လုပ်ပိုင်ခွင့်၊ ထွန်းလင်း တောက်ပမှု၊ ထင်ရှားမှု၊ အရှိန် အ၀ါကို ကိုယ်စားပြုသော
တနင်္ဂနွေသည် ဤသိဟ်ရာသီ၏ မူလတြိဂေါဏ အိမ်ရှင် ဆိုသော (ရာသီ၏ သခင်) ဖြစ်နေသည်။

ကန်ရာသီ 

ဒွိဘာဝ ရာသီ၊ မြေရာသီ။ ဖြစ်သည်။ ပါးနပ်လိမ္မာမှု၊ လိုက်လျောညီ ထွေမှုကို ဖေါ်ဆောင်ထားသည့် ဒွိဘာဝ ရာသီလည်း ဖြစ်၊ ခိုင်မာမှုတည်ငြိမ်မှုကို သဘောဆောင်သည့် မြေဓါတ် နှင့် ပေါင်းဆည်း လိုက်သော အခါ- ကန် ရာသီသမားတို့သည် အတွေးအခေါ်၊ အသေးစိတ် ကိစ္စတို.တွင် အဓိက ထားတတ်သူများ ဖြစ်သည်။ နဂိုက အများ အနေဖြင့်ယုံကြည် လက်ခံထား သော အချက်တို့ကို ထိုသူများလက်ခံ နိုင်အောင် စစ်ဆေး တွေးခေါ်ပြပြီး လက်ရှိ အတွေး အခေါ်တို့ကို ပြောင်းလဲ တတ်သူများ ဖြစ်ကြသည်။ အသေးစိတ် စစ်ဆေးခြင်း၊ တွေးခေါ်ခြင်း၊ ပိုင်းခြား ဝေဘန်ခြင်းတို့နှင့် သက်ဆိုင်သော ဗုဒ္ဓဟူးဂြိုဟ်သည် မူလသဘာဝ ဖြင့် မတည်ငြိမ်မှု၊ (နေကို ပါတ်ရာတွင် အမြန်ဆုံးဖြစ်သည်။) မကြာခဏ နေရောင်၏လွှမ်းမိုးမှု ကြောင့် ကိုယ်ပိုင်အရောင် ပျောက်ဆုံးတတ်ရသော၊ အင်အားနည်းပါးသည့် သဘာဝကို သူ၏ စရိုက်နှင့်လည်း ကိုက်ညီ၊ သူ၏ အားနည်းချက်ကို တည်ငြိမ် အားဖြည့်ပေးသည့် မြေဓါတ် သဘာဝ ရှိသော ဤကန်ရာသီတွင် အင်အား ကောင်းစွာ ရပ်တည် နိုင်ခြင်းကြောင့် ဥုစ်ရသည် ဆိုသော အင်အား ကောင်းမှု အနေအထားကို ရထားသည်။ ထိုမျှ မကသေး ဗုဒ္ဓဟူးဂြိုဟ် အနေဖြင့် ဤရာသီသည် သူ၏ သဘာဝ အရည်အသွေးကို ကောင်းစွာ ထောက်ပံ့မှု ရထားခြင်း ကြောင့် မူလတြိဂေါဏ အိမ်ရှင် (ရာသီသခင်) ဂြိုဟ်လည်း ဖြစ်နေတော့သည်။

တူရာသီ 

စရ-ရာသီ၊ လေရာသီ ဖြစ်သည်။ ၁၂ ရာသီ စက်ဝိုင်း ဖြတ်မှတ်တွင် နေ့တာ၊ ညတာ ညီမျှနေသော တူရာသီ သဘောကြောင့်လည်း ဖြစ်၊ လှုပ်ရှားမှုကို သရုပ်ဖေါ်နေသော စရ ရာသီ၏ စရိုက် နှင့် လေဓါတ်၏ သဘောကို ဆောင်နေသော ရာသီလည်း ဖြစ်သောကြောင့် တူရာသီသမား တို့မှာမူ အခြားသူဘက်မှလည်း စဉ်းစားတွေးတော ပေးတတ်သည်။ သူတို့ အနေဖြင့် စတင် လုပ်ဆောင် သောအခါတွင်မူ လက်တွေ့ဖြင့် စတင်ခြင်းထက် နှုတ်ဖြင့်စတင်ခြင်းက ပိုများတတ်သည်။ တနည်း အားဖြင့် အခြားသူများကို လက်တွေ့စတင် ဖြစ်စေရန် စကား ဆွ,ပေးတတ် သူများ ဖြစ်သည်။ အမဓါတ်ဆောင်သော သောကြာသည် မျှတမှု ချိန်ခွင်လျှာမျှတကို တန်ဘိုးထားသည့် တူရာသီတွင် နှစ်ခြိုက် မှု ရှိသကဲ့သို့ ခရီးသွားလာခြင်း ကို လည်း သရုပ်ဖေါ်သော သောကြာသည် လှုပ်ရှားနေသော စရ၊ သယ်ယူ ပို့ဆောင်ပေးသော လေဓါတ်တို့ပိုင်သော ရာသီတွင် အသင့်တော်ဆုံး ဖြစ်နေခြင်းကြောင့် တူရာသီတွင် သောကြာသည် မူလတြိဂေါဏ အိမ်ရှင် (ရာသီ သခင်) ဂြိုဟ်ဖြစ်နေတော့သည်။ ထိုမျှမက တာဝန်ယူခြင်း၊ မငြီးမငြု သည်းညည်း ခံခြင်း၊ အပင်ပန်းခံခြင်း နှင့် သက်ဆိုင်သော စနေဂြိုဟ်သည်သည် တရားမျှတမှု၊ သမာ သမတ်ကျမှုတို့ကို တာဝန်ယူသော တူရာသီ၊ တနည်းအားဖြင့် လူသားဆန်သော တူရာသီ တွင် ကောင်းစွာ ထွန်းလင်း တောက်ပ နိုင်သဖြင့် ဥုစ်ရသည် ဆိုသော အင်အားကောင်းမှု ကို ရပါတော့ သည်။ သို့သော် ပုဂ္ဂလိက အောင်မြင်၊ ကျော်ကြားမှု၊ ထင်ရှားလိုမှု၊ ကျော်ဇောလိုမှု၊ အများအပေါ်တွင် လူစွာ လုပ်လိုမှု နှင့် ဆိုင်သော တနင်္ဂနွေ အတွက်မူ ဤတူရာသီတွင် အင်အားယုတ်လျော့ခြင်းကြောင့် ဤရာသီတွင် တနင်္ဂနွေ နိစ်ရသည် ဟု ခေါ်တွင် ရပါတော့သည်။

ဗြိစ္ဆာရာသီ

ထိရ-ရာသီ၊ ရေ-ရာသီ ဖြစ်သည်။ ခံစားတတ်မှု ရေဓါတ်သည် ခိုင်မြဲသော ထိရဓါတ်နှင့် ပေါင်းစပ် နေသဖြင့် အနေအထား တည်ငြိမ်မှုက ခံစား ချက်တို့ကို ဖန်တီးပေးနေသော အနေအထား ဖြစ်သည်။ တစ်ဇွတ်ထိုး ဆန်တတ်သည့် အင်္ဂါသည် ဤရာသီ၏ အိမ်ရှင် ပင်ဖြစ်သော်ငြားလည်း သူ၏ စရိုက်နှင့် သိပ်မကိုက် သဖြင့် ၄င်းနှင့် အလွန်အပ်စပ်သော မိဿရာတွင်သာ ပို၍ အင်အား ကောင်းပါသည်။ နောက်တစ်ခုက - လဆန်း၊ လဆုတ် တလှည့်စီ ဖြင့် မတည်မငြိမ် ဖြစ်နေရသော တနင်္လာ အဖို့ သူ၏ကိုယ်ပိုင် ရာသီ မဟုတ်သော အခြားသော ရေဓါတ် ရာသီ (ခံစားမှု ကို သရုပ်ဖော်သော ရာသီ) တွင် နေရပါမူ သူ၏ ခံစားလွယ်မှု တို့သည် သူ့အား ဒုက္ခ ပေးတော့မည် ဖြစ်သည်။ တစ်ဖန် စိတ်လှုပ်ရှားမှုကို တာဝန်ယူထားသည့် တနင်္လာသည် ဖြေးဖြေး အေးအေး ဆိုသော ထိရ ရာသီတွင် အလုပ်မဖြစ်။ ထို့ကြောင့် ဤရာသီတွင် တနင်္လာ အနေဖြင့် နိစ်မိ နေခြင်း ဆိုသော အင်အား နည်းပါးသော အနေအထားကို ရောက်နေပါသည်။
ဗြိစ္ဆာ ရာသီသမား တို့ အနေဖြင့် သူ့အနေဖြင့် အလွန့်အလွန် စိတ်ချရမှ ပြောင်းလဲမှုကို လက်ခံမည့်သူမျိုး ဖြစ်သည်။ ပုံမှန် အားဖြင့် အပြောင်းအလဲ ဖြစ်မည်ကို ဘာရယ် မဟုတ် စိတ်မချ တတ်၊ အပြောင်းအလဲတို့သည် သူ၏ စိတ်တွင် မလုံ မခြုံခံစားမှုကို ဖြစ်စေတတ်သည်။ ထိုကြောင့်လည်း သူတို့သည် အပြောင်း အလဲတစ်ခုခု လုပ်မည်ဆိုလျှင် တစ်ခုခုကို ရမယ်ရှာ ငြင်းပယ်ရန် ကြိုးစားတတ်သူများ ဖြစ်နေတော့သည်။

ဓနုရာသီ 

ဒွိဘာဝ ရာသီလည်းဖြစ်၊ မီးဓါတ် ရာသီတွင်လည်း ဖြစ်သည်။ ပါးနပ်လိမ္မာသော၊ အလိုက်သင့် အလျားသင့် နေတတ်သော ဒွိဘာဝ သဘောနှင့် စတင်လုပ်ဆောင်တတ်သော ဖန်တီးတတ်သော မီးဓါတ်တို့ ပေါင်းစပ် ထားသဖြင့် ဓနုရာသီရှင်တို့သည် အပြောင်းအလဲကိုရှာဖွေ စိန်ခေါ်နေသူ များ လည်း ဖြစ်နေကြပြီး အတတ်ပညာ၊ အသိပညာ တစ်ခုခုတွင် မနေ့ကအသိထက်ဒီနေ့ပိုသိရမည် ဆိုသည်မှာ သူတို့၏ လက်သုံးစကား ဖြစ်ပါ၏။ အမြဲတမ်း ပညာရပ် တစ်ခုကို ရှာဖွေ နေသူဖြစ်ပြီး သူများက သူ့ထက် ပိုသိသည့်ဆိုသည့် အချက်ကို လက်မခံ နိုင်သူများ ဖြစ်သည်။ အမှန်တရားကို အမြဲရှာဖွေ နေသူ များဆိုက မှားအံ့မထင်။ ထို့ကြောင့်လည်း ပညာရပ်ကို ကိုယ်စားပြုသော ကြာသပတေးသည် ဤရာသီကို ပိုင်ဆိုင်ရုံမျှမက မူလတြိဂေါဏ အိမ်ရှင် (ရာသီ သခင်) အဖြစ်ဖြင့်ပါ ရှိနေပါတော့သည်။ ကိန်းကြိး၊ ကန်းကြီး နိုင်သော၊ ပြီးစလွယ် မလုပ်တတ်သော ကြာသပတေးသည် မိန်ရာသီ ကိုပိုင်ဆိုင် ထားသော်လည်း သိပ်ပြီး အလေးအနက် မထားတတ်သော ရေ ရာသီ ဖြစ်သည့် မိန်ရာသိကို နှစ်ခြိုက်မှု သိပ်မရှိသောကြောင့် ဤဓနုရာသီ တွင်သာမူလ တြိဂေါဏ အိမ် အဖြစ်တည်နေပါတော့သည်။

မကာရရာသီ

စရ-ရာသီ၊ မြေရာသီ ဖြစ်သည်။ ဖြစ်ချင်သော ဆန္ဒ၊ လက်တွေ့လုပ်ဆောင် လိုသော အင်္ဂါသည် ဖြစ်အောင် လုပ်တတ်သော စရရာသီ နှင့် လက်တွေ့ကျကျ၊ သဘာဝကျကျ၊ အကောင်အထည် ဖေါ်တတ်သော မြေဓါတ်တို.ကို ရရှိလာသောအခါ ဤရာသီတွင် အင်အား ကောင်းခြင်း ဆိုသော ဥုစ် အနေအထားကို ရလာပါတော့သည်။ သို့သော်လည်း စဉ်းစဉ်းစားစား ချင့်ချင့် ချိန်ချိန် နှင့် ကြီးကြီးကျယ်ကျယ် ကြံစည်တတ်သော ကြာသပတေးသည် လက်တွေ့ကျကျ ယုတ္တိဆန်ဆန် သဘောဆောင်သော ဤမကာရရာသီတွင် အင်အားနည်းပါး သော နိစ်ဖြစ် နေကြောင်းကို တွေ့ရပါသည်။ အပင်ပန်းခံ၊ အနစ်နာခံ၊ ဇွဲကောင်းသော စနေသည်- ဤရာသီတွင် အင်အားကောင်းခြင်းကြောင့် မူလတြိဂေါဏ အိမ်ရှင် အဖြစ် ရရှိ သည်ဟု ဆိုပါသည်။ မကာရ ရာသီရှင်တို့မှာမူ လက်တွေ့ကျကျ ဖြစ်နိုင်သော အခြေအနေမှ စတင်တတ်သည်။ ဖြစ်ချင်သောဆန္ဒကိုလည်း သိပ်ဦးစားမပေး၊ ဖြစ်ချင်သော ခံစားချက်ကိုလည်း ဦးစားမပေး၊ ဖြစ်နိုင်သော အခြေအနေ ကို ဦးစားပေးတတ် သူများ ဖြစ်သည်။

ကုမ်ရာသီ

ထိရ-ရာသီ၊ လေ ရာသီ ဖြစ်သည်။ ထိရ ဆိုသော မပြောင်းလဲတတ်သော စရိုက်၊ ထိုးဖေါက် ၀င်ရောက် တတ်သော လေ ရာသီ၏ သဘာဝကြောင့် ကုမ် ရာသီ သမားတို့သည် ၀ါဒစွဲ သမားများ ဖြစ်တတ်သည်။ အတွေးအခေါ် ၀ါဒ တစ်ခုကို နှစ်သက် ပြီဆိုလျှင် တစ်သက်လုံး မှန်မှန် မှားမှား စွဲကိုင်ထားတတ်သူများ ဖြစ်သည်။ သူ၏ ဦးခေါင်း ထဲသို့ ပထမ ၀င်ရောက်သွားသော အယူအဆ တို့ကို ပယ်ဖျယ်ရန် အင်မတန် ခက်ခဲသော အနေအထားတွင် ရှိတတ်သည်။ ဇွဲကောင်းခြင်း၊ အပေအတေ ခံခြင်းတို့ကို သရုပ်ဖော်သော စနေသည် ဤရာသီ၏ အိမ်ရှင် ဖြစ်သည်။ စနေသည် မကာရ နှင့် ကုမ်ရာသီ (၂) ခုကို ပိုင်ဆိုင်ထားသော်လည်း လက်တွေ့သဘော ဆန်သည့် မကာရရာသီ ကိုသာ ပို၍ နှစ်သက်သည်။

မိန်ရာသီ 

ဒွိဘာဝ ရာသီလည်းဖြစ်၊ ရေ-ဓါတ် ရာသီ လည်း ဖြစ်သော ရာသီ ဖြစ်သည်။ ခံစားချက်နှင့် သက်ဆိုင်သော ရေဓါတ်သည် အချိန်အခါ၊ အခြေအနေ၊ ပါတ်ဝန်းကျင်ကို လိုက်၍ပြောင်းလဲ တတ်သော ဒွိဘာဝ စရိုက်နှင့် ပေါင်းစပ်နေခြင်းကြောင့် မိန်ရာသီ ပိုင်ရှင်တို့ အနေဖြင့် လက်သုံးသဘောထားမှာမူ  အားလုံးက ဘာမျှမဟုတ်ပါဘူး၊ ပြီးတော့လဲ၊ ပြီးသွားတာပဲ ဟူ၍ ဖြစ်သည်။ ကိန်းကြိး၊ ကန်းကြီး နိုင်သော၊ ပြီးစလွယ် မလုပ်တတ်သော ကြာသပတေးသည် မိန်ရာသီ ကိုပိုင်ဆိုင်ထားသော်လည်း သိပ်ပြီး အလေး အနက် မထားတတ်သော ရာသီ ဖြစ်သည့် မိန်ရာသိကို ဓနုရာသီလောက် နှစ်ခြိုက်မှု သိပ်မရှိသော ကြောင့် ဓနုရာသီတွင်သာ မူလ တြိဂေါဏ အိမ် အဖြစ်တည်နေပါတော့သည်။

(ဤသင်ခန်းစာမှ- ရာသီတို့၏ အမည်၊ အစဉ်အတိုင်း၊ သင်္ကေတနှင့် အဓိပ္ပါယ်တို့ကို နားလည် မှတ်မိအောင် လေ့လာထားပါ။ နောက်သင်ခန်းစာ တွင်၊ ဂြိုဟ်တို့အကြောင်းနှင့် အတန့်ဘာဝတို့အကြောင်း ကိုပို့ချပေးပါမည်။)