ဇာတာတွက်ချက်သော နည်းစနစ်များ

MOTAA – Astrology Course (Level-1) 

ဇာတာ တွက်ချက်သော နည်းစနစ်များ

ဇာတာ တစ်စောင်ကို တွက်ချက် ကြရာတွင်- အောက်ပါ အတိုင်း တွက်ချက်တတ် ကြပါသည်။

• သူရိယ သိဒ္ဓန္တ ကျမ်း အတိုင်း- တွက်ချက်ခြင်း။ (မြန်မာတို့ အခေါ် လက်ရိုးတွက်ခြင်း။)

• ကောက်ကိန်း ဇယားကို အသုံးပြု၍ တွက်ချက်ခြင်း။

• ကွန်ပျူတာ ပရိုဂရမ်များကို အသုံးပြု တွက်ချက်ခြင်း။

နက္ခတ္တ ဝေဒ ပညာရပ်ကို လေ့လာ ရန် ၀ါသနာပါသူ- အများစု အနေဖြင့်- တွက်နည်း တို့ကို စတင် သင်ယူသော အခါတွင် တွေ့ရသော အခက်အခဲမှာ- ဤနေရာမှ စ, တင် ပါတော့ သည်။

ဤနေရာတွင် သင်တန်းသား တို့အား အကြံပေးလိုသည်မှာ- MOTAA ဆရာဖြစ် အဆင့် အထိ ရည်မှန်း ထားသူများ အနေဖြင့်- ယခု သင်ခန်းစာတွင် ရှင်းပြထားသော ကောက်ကိန်း ဇယား အသုံးပြုပုံ နှင့် ထြီဂိုနို မေထြီ တွက်ပုံတို့ကို လေ့လာ စေလိုသော်လည်း- ယခုမှ- နက္ခတ်ပညာကို စတင် လေ့လာမည့် သူများ၊ သင်္ချာ အားနည်းသူများ အနေဖြင့်မူ ကွန်ပျူတာ ဆော့ဖ်ဝဲ အသုံးပြုပုံ ကိုသာ အဓိကထား လေ့လာ၍- အခြားသော အသေးစိတ် တွက်ချက် နည်းများ ကိုမူ သဘောပေါက် နားလည်ရုံ မျှသာ ဖတ်ရှုစေလိုပါသည်။ အဘယ့်ကြောင့် ဆိုသော်- နက္ခတ် ပညာကို စတင်သင်ကြား အနေဖြင့် အတွက် အချက်များကို ကြည့်၍- စိတ်ဓါတ် မကျစေလိုပါ။ သို့သော်- ရှင်းပြထားသော လဂ်တွက်ခြင်း ဆိုင်သော ဖော်မြူလာများ၊ အခြားသော နေလဂ် နာရီများကို ကျွမ်းကျင် နားလည်ခြင်းဖြင့် နောက်ပိုင်း မိမိကိုယ်တိုင် တွက်ချက်သော အခါများတွင် ပို၍ အကျိုးရှိမည် ဖြစ် သောကြောင့်- ထည့်သွင်း ရှင်းပြထားရခြင်း ဖြစ်သည်။ ကွန်ပျူတာ ပရိုဂရမ်များသည် ပို၍ တိကျ၍၊ နောင်တွင် အမြဲတမ်း သုံးစွဲ မည် ဖြစ်သော်လည်း ထို ပရိုဂရမ် ၏ နောက်ကွယ်မှ သဘောများကို မသိပါက- အဓိပ္ပါယ် မရှိပါပေ။

သူရိယ သိဒ္ဓန္တ ကျမ်း -လက်ရိုးမူဖြင့် တွက်ချက်ခြင်း

သူရိယ သိဒ္ဓန္တ ကျမ်း -၏ နောက်ခံသမိုင်းကို ဦးစွာ လေ့လာဘို့ လိုပါသည်။
အဆိုများအရ- သူရိယ သိဒ္ဓန္တ ကျမ်း ၏ သက်တမ်းသည် နှစ်ပေါင်း ၁၅၀၀ ကျော် သက်တမ်းရှိသော ကျမ်းစာ ဖြစ်သည်။ သို့သော် အိန္ဒိယတို့က ၄င်းတို့၏ ကျမ်းသည် အနှစ် ၅၀၀၀ ရှိပြီဟုပင် ဆိုနေကြပါသည်။ နောက်ဆုံး အထောက်အထားများအရ- မက်ဆိုပိုတေးမီးယား ဒေသ၊ (ယခု အီရတ်နိုင်ငံ) တွင် ခရစ်တော် မပေါ်မီ နှစ်ပေါင်း ၃၅၀၀ မှ ၃၀၀၀ ခန့် (လွန်ခဲ့သော နှစ်ပေါင်း ၅၀၀၀ ခန့်) ကာလက တည်ရှိ ခဲ့သော ဆူးမေးရီးယန်း လူမျိုး (ဘေဘီလုံ ခေတ်ထက်ရှေးကျသော လူမျိုးစု) တို့၏ ကျောက်စာ တွင်- ကောင်းကင်မှ နက္ခတ် တာရာ တို့ကို တွက်ချက်မှု များကို တွေ့လာရပါသည်။ ထိုနည်းတူ မာယာ လူမျိုးတို့၏ ပြက္ခဒိန် တွင်လည်း ကောင်းကင် တွက်ချက်မှု များ ပါဝင် နေခဲ့သည်ကို တွေ့ကြရသည်။ နက္ခတ်တာရာ တွက်ချက်မှု ပညာရပ်တို့နှင့် ပါတ်သက်၍- အခြားသော တွေ့ရှိ မှုမှာ- ရှေးဟောင်း ဘေဘီလုံ ခေတ် ခရစ်တော် မပေါ်မီ ဘီစီ ၇၄၇ မှ ၇၃၃ ဘီစီ အထိ အုပ်ချုပ် ခဲ့သော နက်ဘိုနက်စာ အမည်ရှိ ဘုရင် လက်ထက်တွင်- လကြတ်ခြင်း၊ နေကြတ်ခြင်း ကို တွက်ထား ခဲ့သော အချက်အလက်များကို တွေ့ရပြန် ပါသေးသည်။

ထိုဒေသ သည်- လူ့ဘောင် ယဉ်ကျေးမှုတို့၏ ထင်ရှားစွာ ထွန်းကားသော ကာလ ဖြစ်သည် ဟုဆိုရပါမည်။ ဘေဘီလုံ-အင်ပိုင်ယာ၊ ပါရှန်း အင်ပိုင်ယာ စသည်ဖြင့်- အင်မတန် အဆင့်မြင့်သော လူ့ယဉ်ကျေး မှုနှင့် တကွ- နက္ခတ္တ ပညာ သည် ထင်ရှားလာခဲ့ပါသည်။ ပါရှန်း (ယခု အီရန် လူမျိုး) တို့နှင့် အိန္ဒိယ နိုင်ငံ မြောက်ပိုင်း လူမျိုး တို့ ဘာသာ စကားအရ၊ D.N.A စစ်ဆေးမှုများ အရ (အသား အရောင်၊ မျက်လုံးတို့တွင် မြင်နိုင်ပါသည်။)၊

ယဉ်ကျေးမှုများ အရ- ဆက်စပ်မှု ရှိနေကြောင်းကို ရှေးဟောင်း သုတေသန ပညာရှင်များ၊ မျိုးရိုး ဗီဇ ပညာရှင်များ၊ သမိုင်း ပညာရှင်များ သိရှိထား ကြပါသည်။ ဘာသာရေး၊ လူမျိုးရေး ပြဿနာများ အငြင်းပွားဘွယ်ရာ ဖြစ်သဖြင့် - ဤနေရာတွင် ယခုထက်ပို၍ မရှင်းပြ တော့ပါ။

နောက်ထပ်မံ၍လည်း- ခရစ်တော် မပေါ်မီ အနှစ် ၃၀၀- ၄၀၀ ခန့် တွင် မက်ဆိုပိုတေးမီးယန်း ဒေသ (“မက်ဆိုပိုတေးမီးယန်း” ဆို သော ဂရိ စကားသည် - မြစ် ၂-ခု အကြားဟု အဓိပ္ပါယ် ရ၍၊ “တိုက်ဂရစ် မြစ်” နှင့် “ယူဖရေးတီး မြစ်” တို့ အကြားဒေသ ဖြစ်ပါသည်။) တွင် ကောင်းကင်ရှိ၊ နေလ၊ ကြယ်၊ ဂြိုဟ်တို့၏ အနေအထားကို တွက်ချက်သော နက္ခတ္တ ပညာ များ ထွန်းကားမှုများကို ထင်ထင်ရှားရှားတွေ့ လာပါသည်။ ထိုကာလ - နောက်ပိုင်း မှာပင် - အိန္ဒိယတွင် သိဒ္ဓန္တ ကျမ်း တို့ပေါ်လာပါသည်။

အမှန်အားဖြင့်- သိဒ္ဓန္တကျမ်းမျိုး (၁၈) မျိုး အထိ ကွဲပြား သွားသော်လည်း- အိန္ဒိယ တွင် ပေါ်ပေါက် လာခဲ့သော ပါရမီရှင် နက္ခတ်ပညာ ရှင်များ ဖြစ်သည့်- အရိယ ဘတ္တနှင့် ၀ရ ဟိမိရ ဆရာ တို့ မှ အောက်ပါ သိဒ္ဓန္တ ကျမ်း (၅) မျိုး ကိုသာ- ထောက်ခံခဲ့သည်။

၎င်းတို့မှာ အောက်ပါ အတိုင်း ဖြစ်ပါသည်။
• ပေတ မဟာ သိဒ္ဓန္တ
• ရောမက သိဒ္ဓန္တ
• ပေါလိစ္စ သိဒ္ဓန္တ
• ၀ါစိဿ သိဒ္ဓန္တ
• သူရိယ သိဒ္ဓန္တ
အိန္ဒိယ ပြက္ခဒိန် ကျမ်းတို့အဆိုအရ- ခရစ်နှစ် ၆၂၈ တွင် ဗြဟ္မာ ရပ္မတိ အမည်ရှိသော နက္ခတ် ပညာရှင် ထံမှ ကူးယူ၍- ခရစ်နှစ် ၁၆၀၉ တွင် နက္ခတ် ပညာရှိ ဖြစ်သူ ရန်ဃ နာသ မှ ပြုပြင်သည် ဆိုထားပါသည်။

ခရစ်နှစ် ၁၈၅၈-ခုနှစ်တွင် အင်္ဂလိပ် ဘုန်းတော်ကြီး အက်ဘင် နက်ဇာ ဘားဂက်စ် (Ebenezer Burgess) မှ- ၄င်းကျမ်းအား ခေတ်နှင့် လျော်ညီအောင် ဘာသာပြန်ပေးခဲ့သည်။ သင်တန်းသားတို့ အနေဖြင့် စိတ်ဝင်စားပါက Amazon မှ ၀ယ်ယူနိုင်ပါသည်။ ၄င်းကို ခေတ်သစ် သူရိယ သိဒ္ဓန္တ ကျမ်းဟု ခေါ်၍၊ သချာင်္ ပညာရှင်များ အနေဖြင့် နားလည် နိုင်သော စာအုပ် ဖြစ်ပြီး၊ ယခု အိန္ဒိယ တနိုင်ငံလုံး တွင် အသုံးပြုနေပါသည်။ ဟိန္ဒူဘာသာ အားဖြင့်မူ- သူရိယ သိဒ္ဓန္တကျမ်း သည် ဗြဟ္မာ မှ ရေးသား စီရင်သည် ဟုပင် ဆိုထား ပါသည်။ ဆိုလိုသည်မှာ- ၄င်း၏ မူလ ပထမကို မူ မည်သူမျှ သေသေ ချာချာ မသိပါ။

မြန်မာ သက္ကရာဇ် ၁၁၄၀-ခုနှစ်၊ (ခရဇ်နှစ် ၁၇၈၆) ဘိုးတော် မင်းတရား လက်ထက်တွင်၊ အိန္ဒိယပြည် ဗာရာဏသီ မြို.မှ နက္ခတ်ပညာရှင်- ဘ၀ါနိဒင် ဆိုသူသည် သက္ကတ ဘာသာ ဖြင့် ရေးသားထားသော သူရိယ သိဒ္ဓန္တ ကျမ်း ကို မြန်မာပြည်သို့ စတင် သယ်ဆောင်လာခဲ့သည်။ ၄င်း ကျမ်းကို မောင်းထောင် ဆရာတော် ဘုရားမှ ဦးစွာ ဘာသာပြန် ခဲ့သည်။ ထိုသို့ ဘာသာ ပြန်ဆိုခဲ့ပြီး- အနှစ် ၅၀-ခန့် အကြာကာလ-မြန်မာ သက္ကရာဇ် ၁၂၀၃- ခုနှစ်၊ တွင် နာဂရီ ဘာသာဖြင့် ရေးသား ထားသော အခြား သူရိယ သိဒ္ဓန္တ ကျမ်း တစ်စောင် မြန်မာပြည်သို့ ထပ်မံ ရောက်လာ ခဲ့သည်။

(ဤနေရာတွင် တစ်ချက် ဖေါ်ပြလိုသည်မှာ- မြန်မာ အများစု- အနေဖြင့်- ဗေဒင်ကျမ်း၊ အဂ္ဂိရတ်ကျမ်း၊ ဆေးကျမ်း၊ ဓါတ်ကျမ်း တို့တွင် ပါဌ်ဆင့် တွေ့လျှင်၊ ၄င်းစာများကို ပါဠိစာ ဟု မှတ်ယူ ထားကြသည်။ အမှန်အားဖြင့် - ဝေဒ ကျမ်းများသည် မြတ်စွာ ဘုရား မပေါ်မီ ကပင် ရှိခဲ့ ၍ - ၄င်းတို့ကို သက္ကတ ဘာသာဖြင့် ရေးသား ထားသည်။ သက္ကတ ဘာသာနှင့် ပါဠိဘာသာ သည် စကား အားဖြင့် များစွာ တူညီသည်။ ပါဠိ ဘာသာသည်- ဗိမ္ဗိသာရမင်း၊ အဇာတသတ် မင်း တို့ တိုင်းပြည် ဖြစ်သည့် “မာဂဓ တိုင်း”တွင် အသုံးပြုသော စကားဖြစ်သဖြင့် “မာဂဓ” ဘာသာ ဟုခေါ်တွင်၍၊ မြတ်စွာ ဘုရား၏ တရားတော် များသည် “မာဂဓ” ဖြင့်သာ ဟောကြားခဲ့ခြင်း ဖြစ်သည်။ “မာဂဓ ဘာသာကို နားလည် သည် ဆိုခြင်းမှာ- တိရစ္ဆာန်များ၏ ဘာသာကို နားလည်ခြင်း ဖြစ်သည်” ဟု အရပ်ပြော ပြောနေ ကြခြင်းမှာ မမှန်ပါ။ ထိုစဉ်က အိန္ဒိယတွင် “မာဂဓ” တိုင်း ၊ “ကောသလ” တိုင်း ၊ စသည်ဖြင့် တိုင်းကြီး ၁၆-တိုင်း ရှိခဲ့ ပါသည်။)

ထိုနောက်မှ- ရောက်လာသော ကျမ်းကို ညောင်ကန် ဆရာတော် ဘုရားသည် မြန်မာ သက္ကရာဇ် ၁၂၂၅- ခုနှစ် ခန့်တွင် မြန်မာဘာသာ သို့ ပြန်ဆိုပေးတော်မူခဲ့သည်။ ထို့နောက်- ထို ညောင်ကန် ဆရာတော် ဘာသာ ပြန်သော ကျမ်း နိသျှ အတိုင်း- ကို မြစ်စဉ် ၀န် ရွှေခဲယဉ်း လှေတော်အုပ် မှ ရှင်းလင်း ၍- လင်္ကာများ ရေးခဲ့ပြီး၊ နောက်တွင် နေမျိုး မင်းလှ ကျော်သူ မှ စကားပြေ အဖြစ် ပြန်လည် ရေးသားခဲ့သည်။ ယခု မြန်မာ နိုင်ငံတွင် အများစု သိထားကြသော သူရိယ သိဒ္ဓန္တ ကျမ်း သည် ညောင်ကန် ဆရာတော် ဘုရား၏ ကျမ်းဖြစ်ပါသည်။ ပညာရပ် တို့၏ မူရင်း၊ ကျမ်းမူရင်း ဆိုရာတွင်-အံ့မခန်း သော သူရိယ သိဒ္ဓန္တ ကျမ်း တွင်ပင်- မူရင်း ဇစ်မြစ် ရှာရ ခက်ပါသည်။ ထို.ကြောင့် - “မိမိတွင် ရှိသော ကျမ်းသည်သာ-မူရင်းကျမ်းဖြစ်သည်၊ မိမိကျမ်းသည် သာ အစစ် အမှန် ဖြစ်သည်၊ မိမိ တတ်မြောက်ထားသည် က, သာ - အမှန်ဖြစ်သည်” ဟု သဘော မထားပဲ- ထိုကျမ်းကို မိမိ ကိုယ်တိုင် ဘယ်ရွေ. ဘယ်မျှ တတ်ကျွမ်း နားလည်သည် ကသာ အဓိက ကျပါသည်။ ထို.ကြောင့်လည်း မြတ်စွာ ဘုရား အနေဖြင့် ကာလာမ သုတ္တန် တွင်- “ငါဘုရား ပြော၍လည်း မှန်သည်ဟူ၍ မယုံနှင့်၊ ကျမ်းဂန်တွင် ပါသော ကြောင့်လည်း မှန်သည် ဟူ၍ မယုံနှင့်၊ ပညာရှိများ ပြော၍လည်း မှန်သည် ဟူ၍ မယုံနှင့် -” စသည်ဖြင့် မိမိကိုယ်တိုင် အမှန်ကို သိအောင် လုပ်စေရန်သာ ဟောကြား ခဲ့သည်ကို သတိပြုကြစေလိုပါသည်။

သူရိယ သိဒ္ဓန္တ ကျမ်း အား၊ ယခုခေတ် လူငယ်တို့ လိုက်စားမည် ဆိုပါက- မသိ နားမလည် သော အခေါ် အဝေါ် အသုံးအနှုန်းများကြောင့်- လွန်စွာ အခက် အခဲတွေ. ရပါလိမ့်မည်။ နောက်ကွယ်က သင်္ချာသဘော ကို နားလည်ရန် ကမူ များစွာ ပို၍ ခက်ခဲ ပါလိမ့် မည်။ ထို့အပြင် မူရင်း သူရိယ သိဒ္ဓန္တ ကျမ်းသည် အိန္ဒိယ နိုင်ငံ ဥဂျိန်း ဒေသ (မြန်မာ အခေါ် ဥဇ္ဇေနီ တိုင်းပြည်) ကို မူတည် တွက်ချက်ထားခြင်း ဖြစ်ရာ- ယခု ကမ္ဘာသုံး စနစ်ဖြစ်သော ဂရင်းနစ်မှ တွက်ချက်မှု နှင့် ကွာခြားမှု ရှိပါသည်။

ဗေဒင် ၀ါသနာပါသူတိုင်းလည်း သင်္ချာမတော်ပါ။ သင်္ချာ တော်သူတိုင်းလည်း ဗေဒင် ၀ါသနာမပါ-ပါ။ ထို့ကြောင့်လည်း မြန်မာ နိုင်ငံတွင် လက်ရိုးဗေဒင် ကဏ္ဍ မှေးမှိန်ခဲ့ရခြင်း ဖြစ်ပါသည်။ အချို့က သူရိယ သိဒ္ဓန္တ ကျမ်းကို ကျောက်ခေတ်က ကျမ်း၊ မတိကျတော့သော ကျမ်းဟူ၍ ပြောဆို နေကြ သော်လည်း ကျွန်တော့် အမြင်တွင် ဤကျမ်းသည် လွန်စွာအဆင့်မြင့်သော ကျမ်းဖြစ်ပါသည်။ ကာလကြာမြင့်ခြင်း၊ နောက်ကွယ်မှ သဘောတရား နားလည်ရန်ထက် တွက်ချက် ပုံ၊ တွက်ချက်နည်း ကို သာခက်ခဲစွာ လက်ဆင့်ကမ်း ခဲ့ကြရခြင်း၊ အပေါင်း အနှုတ်ကို လက်ဖြင့် ချပေါင်း ချနှုတ် ပြုလုပ် ခဲ့ကြ ရခြင်း တို့ကြောင့် ယခုခေတ် သိပ္ပံနည်းဖြင့် တွက်ချက်မှု များလောက် တိကျမှု မရှိသော်လည်း အလွန်အဆင့်မြင့်သော ပညာ ကျမ်း ဖြစ်ပါသည်။ ထိုကျမ်းကို မျိုးရိုးအလိုက်- ထိမ်းသိမ်း လေ့လာ ခဲ့သူ ပညာရှင်များ သည်လည်း- ရှေးပညာရပ် ကို ထိမ်းသိမ်း သူများ ဖြစ်သောကြောင့် ကျေးဇူး ကြီးမားလှ ပါသည်။ ထို့ကြောင့်လည်း MOTAA အနေဖြင့်- ခေတ်မှီ သူရိယ သိဒ္ဓန္တ ကျမ်းကို ကွန်ပျူတာ နည်းပညာ အကူအညီ ဖြင့်- ပြုစုပေး၍ မြန်မာ ပြက္ခဒိန် အကြံပေး ခြင်းကို စိတ်ဝင်စားသည့် ပညာရှင်၊ ၀ါသနာရှင် သုတေသီများကို ဖိတ်ခေါ် အပ်ပါသည်။

ကောက်ကိန်း ဇယားကို အသုံးပြု၍ တွက်ချက်ခြင်း

ကောက်ကိန်း ဇယားကို အသုံးပြုကြရာတွင်- သံဒိဋ္ဌ ဂြိုဟ်သွားပြက္ခဒိန် နှင့် လဂ်ကောက်ကိန်း ဇယားတို့ကို အသုံးပြု ခြင်း ဖြစ်သည်။ ကောက်ကိန်း ဇယားကို အသုံးပြု၍ တွက်ချက် တော့မည် ဆိုပါက-အောက်ပါတို့ကို သိထားသင့်ပါသည်။

သံဒိဋ္ဌ ပြက္ခဒိန် အမျိုးအစား

သံဒိဋ္ဌ ဂြိုဟ်သွားပြက္ခဒိန် နှင့် လဂ်ကောက်ကိန်း ဇယားတို့တွင်- အုပ်စုခွဲကြည့်ပါက- အောက်ပါအတိုင်း တွေ့ကြရပါမည်။
နိယာယန မူ နှင့် သာယန မူ ဟူ၍လည်းကောင်း။
နေ့လည် ၁၂-နာရီ ကို မူတည် ၍ တွက်ချက် ထားသော ဂြိုဟ်သွားပြက္ခဒိန် နှင့် လဂ်ကောက်ကိန်း၊ ည- ၁၂-နာရီ ကို မူတည်၍ တွက်ချက် ထားသော ဂြိုဟ်သွားပြက္ခဒိန် နှင့် လဂ်ကောက်ကိန်း၊ တို့ ဟူ၍ လည်းကောင်း ရှိနေ ပါသည်။

ထင်ရှားသော ဂြိုဟ်သွားပြက္ခဒိန် များမှာ- လာဟိရိ ဂြိုဟ်သွား ပြက္ခဒိန်၊ ရာဖီ ဂြိုဟ်သွား ပြက္ခဒိန်၊ အမေရိကန် ဂြိုဟ်သွား ပြက္ခဒိန် နှင့် မြန်မာ နိုင်ငံတွင်- ဆရာကြီး ဦးဗိုလ်ထွေး၊ ဆရာကြီး ဦးဗိုလ်ထွေး ၏ သားများ ထုတ်ဝေသော ဂြိုဟ်သွား ပြက္ခဒိန်များ၊ ဆရာ ကာလာစန် ထုတ်သော ဂြိုဟ်သွား ပြက္ခဒိန်များ၊ နှင့် အိန္ဒိယ တွင်မူ- သက်ဆိုင်ရာ ဒေသ အလိုက် “ပန်ချန်း” ခေါ် ဂြိုဟ်သွားပြက္ခဒိန် များ ဖြစ်ကြသည်။ “ပန်ချန်း” ဟူသော အသုံးအနှုန်းသည်- “ပဉ္စင်္ဂ” တနည်းအားဖြင့် (“ပဉ္စ” + “အင်္ဂ”= ငါးပါး သော အင်္ဂါ) အင်္ဂါ (၅) ပါး ကို ကိုယ်စားပြုထားသော အဓိပ္ပါယ် ဖြစ်ပါသည်။ ထိုအင်္ဂါ (၅) ပါးတို့မှာ-

•  ၀ါရ- နေ့ရက်များ (တနင်္ဂနွေ၊ တနင်္လာ. .. စသည်တို့)

•  တိထီ- အလွယ်အားဖြင့် လဆန်း၊ လဆုတ် အနေအထားရက်များ (အရပ်သုံး ပြက္ခဒိန် နှင့် မတူပါ။)

•  နက္ခတ် - (အာသာဝဏီ- အစ ရေ၀တီ အဆုံးနက္ခတ်များ)

•  ယောဂ- ဂြိုဟ်တို့၏ ပူးယှဉ်နေမှုများ။

•  ကာရဏ - (တိထီ၏ တစ်ဝက်တာ- ကာလများ)

တို့ဖြစ်ပါသည်။

ကွန်ပျူတာ ပရိုဂရမ်များကို အသုံးပြု တွက်ချက်ခြင်း

ကွန်ပျူတာ ပရိုဂရမ်များကို အသုံးပြု တွက်ချက်ကြရာတွင်-ထြီဂိုနိုမေထြီ ဖေါ်မြူလာများကို အသုံးပြု၍၊ လဂ် နှင့် ဘာဝ များအား ရှာဖွေ တွက်ချက်ပါသည်။
ဂြိုဟ်များ၏ တည်နေရာကို ရှာရန် အတွက်မူ - ယခုနောက်ပိုင်း ကွန်ပျူတာ ပရိုဂရမ်များ အနေဖြင့် လက်ရှိ နာဆာ NASA တွင် အသုံးပြုသော SWISS EPHEMERIS ခေါ် ဆွဇ်ဇာလန် ဂြိုဟ်သွား ပြက္ခဒိန် ကို အသုံးပြုကြ လေ့ရှိပါသည်။ ပထမက အနှစ် (၆၀၀၀) စာ တွက်ထား သော်လည်း- ယခု အခါ ၄င်းဂြိုဟ်သွား ပြက္ခဒိန် စနစ်ဖြင့် ခရစ်တော်မပေါ်မီ အနှစ် (၅၄၀၀) မှ ခရစ်တော် ပေါ်ပြီး- အေ.ဒီ အနှစ် (၅၄၀၀) တိုင်- စုစုပေါင်း အနှစ် (၁၀၈၀၀) အတွက် အဆင်သင့် တွက်ချက် ထားပြီး ဖြစ်ပါသည်။ တိကျမှု အနေအထား-၀ိလိတ္တာ (စက္ကန့် တန်ဘိုး) ၀.၀၀၁ အထိ တိကျမှု ရှိသည်။

ဂြိုဟ်များသာမက - ဂြိုဟ်ပဲ့များ၏ လှည့်ပါတ် သွားနေမှုတို့ကို ပါ တိကျစွာ တွက်ချက်နိုင်သည်။ ထို့ကြောင့်- ဂြိုဟ်တုများ လွှတ်တင်ရာတွင်၊ ထားရှိ ရမည့် တည်နေရာ၊ ပစ်လွှတ်ရမည့် ဒုံးပျံ နှင့်ပါတ်သက်သော အချက်အလက်တို့ကို တွက်ရာတွင် ၄င်းကို သုံးစွဲရခြင်း ဖြစ်သည်။ SWISS EPHEMERIS ခေါ် ဆွဇ်ဇာလန် ဂြိုဟ်သွား ပြက္ခဒိန် အား မည်သူမဆို- အလွယ်တကူ Download လုပ်၍၊ မိမိရေးလိုသော ကွန်ပျူတာ ပရိုဂရမ် များ အလွယ်တကူ ရေးဆွဲနိုင်ပါသည်။ လဂ်နှင့် ဘာဝများကို ၄င်း ပေထားသော မူရင်း Source code မှ Function များနှင့် အလွယ်တကူ ရှာနိုင်ပါသည်။ MOTAA စနစ်သည် SWISS EPHEMERIS ကို အသုံးပြုသော စနစ် ဖြစ်ပါသည်။ MOTAA သင်တန်းသား များမှ ကွန်ပျူတာ ပရိုဂရမ် ရေးဆွဲခြင်းကို ကျွမ်းကျင်သူများ ရှိပါက- MOTAA ပရိုဂရမ် အဖြစ်ရေးဆွဲ နိုင်လျှင်- အများ အတွက် လွန်စွာ အကျိုးရှိပါလိမ့်မည်။

တူညီသော ဘာဝစနစ်နှင့် မတူညီသော ဘာဝစနစ်

အနောက်တိုင်း စနစ်အားလုံး နီးနီးတွင်- မတူညီသော ဘာဝ စနစ်ကို သုံးကြ သော်လည်း၊ အရှေ.တိုင်း (အိန္ဒိယ၊ မြန်မာ) တို့တွင် ဘာဝ စနစ် (၂) မျိုးကို အသုံးပြုသည်။  ပထမ စနစ်မှာ- ဘာဝ အားလုံးကို ၃၀ဒီဂရီ အညီအမျှ ထားသော စနစ်။  ဒုတိယ စနစ်မှာ- ဒေသ၏ လတ္တီတွဒ်တန်ဘိုး၊ အချိန် ကာလကို မူတည်၍ မတူညီသော စနစ် (သီရိပတိမူ) MOTAA အဆင့် (၁) သင်တန်းတွင်မူ- ဘာဝ အားလုံးကို ၃၀ ဒီဂရီ အညီအမျှ ထားသော ဘာဝ စနစ် ကိုသာ ပို့ချပေးမည် ဖြစ်ပြီး၊ သီရိ ပတိမူ ကို မူ နောင် လက်တွေ့ ဇာတာ များအား သုတေသန လုပ်ခြင်း အဆင့် - အတွက် သာ သတ်မှတ် ထားရှိပါသည်။

ဘာဝ အားလုံးကို ၃၀ ဒီဂရီ အညီအမျှ ထားသော စနစ်သည် မည်သည့် ဒေသအတွက် မဆို အသုံးပြု နိုင်သဖြင့် လည်းကောင်း၊ (မညီမျှသော ဘာဝ စနစ်အားလုံးသည်- မြောက် လတ္တီတွဒ်၊ တောင်လတ္တီတွဒ် ၆၆- ဒီဂရီ ကျော်လျှင် အလုပ် မလုပ်တော့ပါ။ အဘယ့်ကြောင့် ဆိုသော်- ကမ္ဘာ ကြီးသည် (၂၃း၂၇) ၂၃ ဒီဂရီ ၂၇ မိနစ် တိမ်းစောင်း နေသဖြင့်- ထို အချက်ကို မူတည်၍ တွက်ထားသော -မတူညီသော စနစ်တို့တွင် တြီဂို နိုမေထြီ ပြဿနာ ပေါ်လာ သောကြောင့် ဖြစ်သည်။ လဂ်ကောက်ကိန်း ဇယားများ တွင်လည်း ထည့်သွင်း မထားပါ။) ရှေးကျမ်း များဖြင့် ပို၍ ညီညွတ် သောကြောင့် လည်းကောင်း (ရှေးကျမ်းဟောင်းများ၊ အီဂျစ်၊ ဂရိ၊ တို့သည် တူညီသော ဘာဝ စံနစ်ကိုသာ သုံးခဲ့သည်။) - သီရိပတိမူ ထက် စာလျှင် အားသာချက်များ ရှိသောကြောင့် MOTAA တွင် အဓိကထား သုံးစွဲခြင်း ဖြစ်သည်။ အကယ်၍ ယခင်ကပင်- သီရိပတိမူ ကို အသုံးပြု တတ်မြောက်ထားသော သင်တန်းသားများ အနေဖြင့်- ယာယီ အားဖြင့်- ၄င်းမူကို ခေတ္တ ခဏ မေ့ထားလျက် MOTAA စနစ် အဓိက ပုံစံ ဖြစ်သော တူညီသော ဘာဝ စံနစ် ကိုသာ စတင် အသုံးပြုစေလိုပါသည်။