အမွှာမွေးနှင့် နက္ခတ်ဗေဒင်

နက္ခတ်ဗေဒင်တွင် လူတစ်ဦး၏ ကံကြမ္မာကို မွေးဖွားရာ ဒေသအချိန်တို့အရ ဇာတာဖွဲ့ကာ ဆုံးဖြတ်လေ့ရှိကြသည်။ မွေးဖွားရာ အချိန် ဒေသအတူတူဖြစ်ပါက ဇာတာသည်လည်း တပ်တူထပ်မျှတူညီပေလိမ့်မည်။

တစ်ခါက အစ်ကိုတစ်ယောက်လာမေးဖူးသည်။ ဖွားဖက်တော်တို့နှင့် ဘုရားလောင်း သိဒ္ဒတ္ထမင်းသားတို့သည် တစ်ချိန်တည်းမွေးကြသည် ဆိုပါလျှင် အဘယ်ကြောင့် အားလုံး ဘုရားမဖြစ်ကြသနည်းဟူ၍ ဖြစ်ပါသည်။

ကျွန်တော့်အဖြေမှာ မွေးဖွားရာဒေသ ကွာသောကြောင့်ဟူ၍ ဖြစ်ပါသည်။ ဘုရားလောင်း သိဒ္ဒတ္ထမင်းသားသည် လုမ္ဗနီဥယျာဉ်၌ ဖွားမြင်ချိန်တွင် ယသော်ဓရာမင်းသမီးသည် ဒေ၀ဒဟပြည်တွင်ဖွားမည်၊ ဆန္ဒအမတ်သည် ကပိလ၀တ်ပြည်၌ ဖွားမြင်လိမ့်မည်ဟု ခန့်မှန်းသောကြောင့် ဖြစ်ပါသည်။

ယနေ့သုံးနေကြသော ဇာတာဖွဲ့ပရိုဂရမ်များတွင်လည်း ရန်ကုန်မြို့ကို ဗဟန်း၊ မင်္ဂလာဒုံ၊ မြောက်ဥက္ကလာစသည်ဖြင့် ခွဲခြားစီမံထားသည်ကို ရှုနိုင်ပါသည်။ တောင်မြောက်ဝေးကွာမှုအရ (မြောက်)လတ္တီကျုမှာ ကွာသွားမည်ဖြစ်ပါသည်။

တစ်ဖန် ဒေသတူပြီး အချိန်ကွာသော အမွှာများကို ဆန်းစစ်ရန်လိုပါသည်။ ကျွန်တော့်အတွေ့အကြုံအရ အမွှာများသည် ၁၅ မိနစ်မှ တစ်နာရီအထိကွာခြားတတ်သည်ကို တွေ့ရှိရပါသည်။ နက္ခတ်ဆရာများအသုံးပြုသော စက်သုံးစက်အနက် န၀င်းစက်သည် ၁၃ မိနစ် ၂၀ စက္ကန့်ကွာခြားပါက (အမြန်ဆုံးသွားသော) လဂ်၏ လဂ်စီးန၀င်းသည် န၀င်းရာသီခြားသွားမည်ဖြစ်သည်။

စာဖတ်သူအနေဖြင့် ရင်ချင်းဆက်အမွှာများကို စောဒကတက်ဖွယ်ရှိသည်။ ရင်းချင်းဆက်များကို မခွဲမစိတ်ပါက သွားအတူလာအတူ ဖြစ်အတူပျက်အတူ ဖြစ်မည်။ တစ်ဦးသေဆုံးလျှင် တစ်ဦးလည်း သေဆုံးမည်သာဖြစ်မည်။ အတိအကျတူမည်ဟု မဆိုလိုပါ။ စရိုက်ဝါသနာသည် နှလုံးသည်းပွတ် နှစ်ခုအတွက် မတူကွဲပြားနေမည်သာ ဖြစ်ပါသည်။ ခွဲလိုက်မှသာလျှင် ကံအကျိုးပေးပြောင်းသွားလေသည်။ ထိုပြောင်းလဲသွားပုံသည် ကလေးငယ်တို့၏ အတိတ်ကံအရတော့ ဖြစ်နိုင်ခြေနည်းပါမည်။ လတ်တလော ခွဲစိတ်လိုက်သော ခွဲစိတ်မှု၏ ပစ္စုပ္ပန်အကျိုးသာလျှင် ခံစားခွင့်ရှိမည်ဟု ထင်ပါသည်။ (ပစ္စုပ္ပန်ကံကို ညွှန်းဆိုခြင်းမှာ ဇာတာသည် အတိတ်ကံကိုသာလျှင် ညွှန်ပြသည်ဟု ယူဆသော ကျွန်တော့်အယူအဆ သက်သက်သာ ဖြစ်ပါသည်။)

အထက်တစ်နေရာတွင် ဆိုခဲ့သော မွေးဖွားချိန်မိနစ်ပိုင်းကွာခြားမှုသည် ဇာတာရှင်အပေါ် သိသာတဲ့အကျိုး နက္ခတ်ဗေဒင်သမားများ ဖေါ်ထုတ်နိုင်ပါမည်လောဟု စောဒကတက်ဖွယ်ရှိသည်။

၁၃ မိနစ်ကျော်မျှ ကွာခြားမွေးဖွားသော်လည်း သိသာလောက်အောင် မပြောင်းလဲသော ဇာတာဆိုတာလည်းရှိနိုင်သလို၊ ၅ မိနစ်လောက်အတွင်း သိသာအောင်ကွာခြားသွားတာလဲ ရှိနိုင်ပါသည်။

အောက်တွင် ဇာတာနှစ်ဆောင်ပြထားပါသည်။ အမွှာညီအစ်မနှစ်ယောက်၏ ဇာတာဖြစ်ပါသည်။ နှစ်ဦးစလုံးကို ကျွန်တော်သိပါသည်။ အဲဒီထဲက တစ်ယောက်နှင့် အတော်လေး ခင်မင်ပါသည်။ သူတို့ညီအစ်မသည် မွေးဖွားချိန်တစ်နာရီတိတိကွာကြပြီး ရုပ်လည်းအရမ်းဆင်ပါသည်။ ဘ၀ရပ်တည်ပုံများကား မဆင်ကြပါ။ ကျွန်တော်တတ်သလောက် မှတ်သလောက် ဝေဖန်ပြလိုက်ပါသည်။

ဇာတာ(၁) မနက် ၅:၅၅ မွေး

က ဇာတာ(၂) မနက် ၆:၅၅ မွေး

ဇာတာနှစ်ဆောင်မှာ သိသိသာသာ ပြောင်းလဲသွားတာကတော့ လဂ်ဂြိုဟ် တနင်္လာဂြိုဟ်တို့ဖြစ်ပါတယ်။ လဂ်သည် မနက် ၆ နာရီအချိန်မှာ ၁ နွေနဲ့ပူးနေပြီး၊ မနက် ၇ နာရီမှာတော့ နောက်ရာသီကို ပြောင်းသွားပါတယ်။ ရာသီအစပ်မှာ ရပ်နေတဲ့ ၂ လာကလည်း နောက်ရာသီကို ကူးသွားပါတယ်။ လဂ်ဟာ န၀င်းစက်မှာ ကြာသာပတေးနဲ့ န၀င်းပြိုင်စီးရာကနေ ၂ လာန၀င်းတိုင် ပြောင်းသွားပါတယ်။ ဘယ်လို အကျိုးဆက်တွေ ဖြစ်စေမလဲလို့ ဆန်းစစ်ကြပါစို့ခင်ဗျ။

ဇာတာ(၁)ကိုလေ့လာခြင်း

လဂ်ကို လေ့လာရာမှာ ၁-နွေနဲ့ပူးပါတယ်။ သမီးကြီးပြီသတယ်လို့ပြောရမလိုလိုပါပဲ။ မိသားစုမှာလည်း နေရယူသလို ကျော်ဇောမှုအရလည်း အဟုတ်ပြင်းတယ်လို့ ကောက်ချက်ချရပါမယ်။ လဂ်စီးန၀င်းဟာ ကြာသာပတေးနဲ့ န၀င်းပြိုင် ၀ီရိယစနေမှာစီးတော့ ပညာရေးဇွဲအရလည်း ကောင်းမွန်တယ်လို့ ပြောရပါမယ်။
လဂ်အိမ်ရှင်ကို လေ့လာကြည့်တော့ ၃ င်္ဂါနဲ့ပူးပြီး ၈ တန့်မှာရပ်ပါတယ်။ ၃ င်္ဂါဟာ မိဿနဲ့ ဗြိစ္ဆာရာသီပိုင်တွေဖြစ်ပါတယ်။ ဗြိစ္ဆာကို ပိုးလောက်ရာသီလို့ခေါ်ပါတယ်။ တစ်ဖန် ၃ အင်္ဂါပိုင်ရာ အတန့်ဟာ ၁၀ တန့် (အလုပ်အကိုင်အတန့်လည်း) ဖြစ်ပါတယ်။ ဆေးဝါးရောဂါတွေနဲ့ပတ်သတ်တယ်လို့ ဖွင့်ဆိုကြပါတယ်။ တစ်ဖန် လဂ်အိမ်ရှင်ရပ်ရာ အတန့်ဟာ သေဆုံးခြင်း၊ ကျန်းမာရေးနဲ့ ဆိုင်တဲ့ ၈ တန့်ဖြစ်ပါတယ်။
အထက်ပါနှစ်ချက်နဲ့တင်ပဲ ဇာတာရှင်ဟာ ပညာတော်မယ်၊ ဆေးကျန်းမာရေးတွေနဲ့ဆက်စပ်မယ် အသက်မွေးမယ်လို့ ထုတ်ရပါမယ်။

ဇာတာရှင်ဟာ ယခုဆိုလျှင် ဆရာဝန်မဖြစ်နေပါပြီ။

မှတ်ချက်။  ။ ဇာတာမှာ အံသာအကြီးဆုံးဂြိုဟ်ဟာ ဟိုဘက်ရာသီကူးခါနီးနေတဲ့ ၂ လာပါ။ အံသာရင့်လို့ သြဇာတိက္ကမကြီးသော်လည်း ရာသီအစပ်၊နက္ခတ်အစပ် ရောက်နေတာက စိုးရိမ်စရာပါ။ အမိကျန်းမာရေးတို့နဲ့ပတ်သတ်ထိခိုက်ဖွယ်ရှိသလို၊ ဇာတာရှင်ရဲ့ ဘ၀လမ်းကြောင်း လုံးဝပြောင်းလဲစေတဲ့ အပြောင်းအလဲကြီးတစ်ခု ဖြစ်ပွားဖွယ်ရှိကြောင်း ခန့်မှန်းမိပါတယ်။ ဖြစ်ပွားဖွယ်လို့ သုံးနှုံးရခြင်းက ဇာတာရှင်ကို လွှမ်းမိုးမယ့် တနင်္လာဒသာ ကာလသည် (၀ိသောတ္တရီဒသာအရ) ၂၀၁၅ ၁၀ လပိုင်းမှသာ ကျရောက်မှာဖြစ်လို့ဖြစ်ပါတယ်ခင်ဗျ။

ဇာတာ(၂)ကိုလေ့လာခြင်း

လဂ်အိမ်ရှင်ဟာ ၅ တေးဖြစ်ပါတယ်။ ၈ တန့်မှာရပ်ပါတယ်။ ၆ ကြာအိမ်မှာရပ်ပါတယ်။ ဆက်စပ်သွားလိုက်ရင် ၆ ကြာကလည်း ၄ ဟူးနဲ့ပူးပါတယ်။ ဇာတာရှင်ဟာ ပညာရေးနဲ့ဆက်စပ်မယ်။ လဂ်အိမ်ရှင်ရဲ့ အိမ်ရှင် ၆ ကြာဟာ ၄ ဟူးနဲ့ပူးတော့ စကားပညာအနုပညာတွေပတ်သတ်နိုင်မယ်။

လဂ်အိမ်ရှင် ၈ တန့်ရပ်ခြင်းဟာ ၁၂ တန့်ကိုမြင်ပါတယ်။

လဂ်ကို ၃၀ မြင်ပါတယ်။ သောမကတ္တရီပါ။ ၃၀ ရဲ့ အဓိပ္ပါယ်ဟာ ပျိုမြစ်နုနယ်ခြင်းနဲ့ အိုမင်းရင့်ရော်ခြင်းတွဲထားသလိုပါပဲ။ အပေါင်းအသင်းတွေဟာ ငယ်ရွယ်သူတွေနဲ့ ကြီးရင့်သူတွေလို့ အဓိပ္ပါယ်ဖေါ်လို့ရပါတယ်။ (၇ တန့်ဟာ အပေါင်းအသင်းပါ။) သူတို့အတွဲကို ညှပ်ထားသူက ၂ နဲ့ ၅ ။ အေးချမ်းခြင်းနဲ့ ပညာရေး။ ၃၀ ပူးရင် ဆက်စပ်ရင် အင်ဂျင်နီယာလို့ ဖွင့်ဆိုကြပါတယ်။ သို့သော် ဆရာဘ၀ကိုသာ ညွှန်းပါတယ်။

၁ နဲ့ ၂ ပြန်လှန်မြင်ပါတယ်။ (လပြည့်အနေအထားဖြစ်ပါတယ်) ၁၂ အပြန်အလှန်မြင်သူဖြစ်၊ ၁၂ ပူးသူဖြစ်စေ အတတ်ပညာ စိတ်ထား စုံတတ်ကြပါတယ်။

အလုပ်အကိုင် ၁၀ တန့်ကိုကြည့်တော့ ကြာသာပတေးပိုင် ပညာသည်ဘ၀ဖြစ်ပါတယ်။ တစ်ဖန် ကြာသာပတေးရပ်တည်ပုံအရ ၁၂ တန့် ရပ်ဝေးနိုင်ငံခြားကို မြင်တာကြောင့် နိုင်ငံခြားပညာတော်သင်ရှိပါမယ်။

လဂ်စီးန၀င်းက တနင်္လာပါ။ အင်မတန်အားကောင်းပါတယ်။ ၁ နဲ့ ၂ တစ်ဖက်စီမို့ အားကောင်းတဲ့ ၂ လာဖြစ်ပါတယ်။ အေးချမ်းတဲ့ စိတ်အခြေအနေ။ မျှတမှု ကြင်နာမှုတွေ ရှိနေပါမယ်။

ဇာတာရှင်ဟာ အင်ဂျင်နီယာဘွဲ့ရဖြစ်ပြီး၊ တက္ကသိုလ်ကထိက ဆရာမအလုပ်လုပ်ပါတယ်။ နိုင်ငံခြားပညာတော်သင်ကနေ မြန်မာပြည်ပြန်သွားတာ လပိုင်းပဲရှိပါသေးတယ်။

မှတ်ချက်။  ။ သူ့အတွက် အားကောင်းတဲ့ ၂ လာဟာ အံသာအသေးဆုံး အိမ်ထောင်ဖက်ကို ညွှန်းတဲ့ ဂြိုဟ်ဖြစ်နေပါတယ်။ ၇ တန့်မှာ စနေပါဝင်ပတ်သတ်နေလို့ ဒီနေ့ထိ အိမ်ထောင်မကျသေးပါ။ သောမကတ္တရီအရ သာယာတဲ့ အိမ်ထောင်ဖက်နဲ့ လက်ဆက်ရဖွယ်ရှိပါတယ်လို့ ခန့်မှန်းမိပါတယ်။

မှားယွင်းဝေဖန်မိပါက အကျွန်ပခန်း တာဝန်သာရှိပါကြောင်း။

ဝေဖန်ထောက်ဆရင်း ပညာတိုးကြပါစေခင်ဗျာ။
ခင်မင်လျှက်
ကိုပခန်း