မွေးဖွားချိန်ရွေးချယ်ခြင်း
အစ်ကိုကြီးတစ်ယောက်အား ဒီနှစ်မကုန်မီ အိမ်ထောင်ပြုရလိမ့်မည်ဟု (၆ လခန့်ကြို၍) မနှစ်က ဟောခဲ့ဖူးပါတယ်။ ထိုစဉ်က ထိုမောင်နှံနှစ်ဖေါ်တို့ အိမ်တောင်ပြုတော့မည့်ဆဲဆဲ အခြေအနေဖြစ်တာက တစ်ကြောင်း၊ တားရော့ဆရာမ မမိုးသူကလည်း ၆ လတွင်းအိမ်ထောင်ပြုရတော့မည်ဟု ဟောတာကတစ်ကြောင်း၊ ထိုမောင်နှံနှစ်ဖေါ်တို့ဇာတာများတွင်လည်း မင်္ဂလာအမှုပြုရတော့မည့် အခြေအနေတို့ပေါ်ပေါက်နေတာက တစ်ကြောင်း (ကောင်းမွန်သော အတန့်ဒသာများစားခြင်းကြောင့်) ထိုသို့ဟောခဲ့ခြင်းဖြစ်ပါတယ်ခင်ဗျ။ အမှန်တကယ်ပင်လျှင် နှစ်မကုန်ခင် တစ်ပတ်အလိုမှာပင် မင်္ဂလာကိစ္စပြီးစီးအောင်မြင်ကြပါ၏။ ချစ်သူနှစ်ဦးသည် အနီးအနားတွင် အတူယှဉ်တွဲလျှက် ရုတ်ခြည်းမင်္ဂလာဆောင်နိုင်မည့် အခြေအနေဖြစ်ပါက မင်္ဂလာကိစ္စအတွက် မေးမြန်းခဲ့မည်ပင် မဟုတ်ပါ။ ထိုမင်္ဂလာပွဲသည်ကား မိုင်ပေါင်းထောင်ချီဝေးကွာသော ချစ်သူနှစ်ဦးတို့၏ (ဖြစ်နိုင်ခြေ အလွန်နည်းသော) စွန့်စားခန်းဖြစ်ခဲ့ပါတော့တယ်ခင်ဗျာ။ (ထိုဇနီးမောင်နှံ ဇာတာများအား ဖေါ်ပြရန်သင့်မည် မထင်၍ မဖေါ်ပြတော့ပါ။)
ယခုအချိန်တွင် နောက်ထပ်မေးခွန်းတစ်ခု ထပ်တိုးမေးမြန်းလာပါသည်။ ရှိခဲ့ပြီးသား ဇာတာတို့ကိုကြည့်ဟောရတာ မဟုတ်ဘဲ မဖြစ်သောသော မရှိသေးသော ဇာတာများတွက်ဆ ဟောပြောရခြင်းဖြစ်ပါတယ်။ ဆရာဝန်များ၏ ခန့်မှန်းရက်ဖြစ်သော ၂၀၁၀ ခုနှစ် အောက်တိုဘာလ ၇ ရက်ဝန်းကျင်တွင် ဖွားမြင်မည့် သားရတနာအတွက် မွေးဖွားချိန်ရွေးပေးရန်ဖြစ်ပါတယ်။
မွေးဖွားချိန်ရွေးချယ်ခြင်းနှင့် ကျန်းမာရေးရှုထောင့်
မွေးဖွားချိန်ရွေးချယ်ခြင်းသည် ကျန်းမာရေးအမြင်အရ မသင့်၊ အယူသည်းမှုသာဖြစ်သည်ဟုသော ဝေဖန်မှုများ ဖတ်မှတ်ဖူးခဲ့ပါသည်။ နက္ခတ်ဗေဒင်ဘက်မှလည်း အနည်းငယ် ချေပလိုစိတ်ရှိခဲ့ပါတယ်။ မွေးဖွားချိန်ရွေးချယ်ခြင်းဆိုတာ ဖွားချင်တဲ့အချိန် ဖွားမြင်စေဖို့ စီမံခွင့်ရရပါမယ်။ ထိုအချက်က အလွန်ခက်ခဲမယ်ဆိုတာ သိသာပါတယ်။ အခြေအနေတွေပေးမှသာ ဖြစ်နိုင်ပါမယ်။ ထိုသို့ အခြေအနေပေးခြင်းသည်ပင် ကလေးငယ်၏ ကံအကျိုးပေးဖြစ်မည်ထင်ပါသည်။ တနည်းအားဖြင့် ရှေးကုသိုလ်ဖြစ်မည်။ သန္ဓေသားရဲ့ ဖွံ့ ဖြိုးမှုအတိုင်း တွက်ချက်နေသော ကျန်းမာရေးရှုထောင့်အရ ခန့်မှန်းရက်သည် မွေးဖွားရက်နီးလာလေလေ ပြောင်းလဲလေလေဖြစ်ပါတယ်။ (ကျန်းမာရေးအရ ချိန်ညှိနေတာကို ပြပါတယ်။) နက္ခတ်ဗေဒင်သည် မွေးချိန်ခန့်မှန်းပေးရာတွင် ထိုကျန်းမာရေးရှု့ထောင့်အရ ရက်များကို မလွန်ဆန်နိုင်ပါ။ အကျဉ်းအကျပ်ဆုံးအခြေအနေ အနေဖြင့် (န၀င်းစက်တွင် လဂ်နေကာလဖြစ်သော) ၁၃ မိနစ် ၂၀ စက္ကန့် မျှသော အချိန်ကာလကိုသာ ရွေးချယ်လျှင်ရော ကလေးကျန်းမာရေးကို ထိခိုက်စေမည်လား တွေးစရာပင်ဖြစ်ပါသည်။ ထိုမျှလောက်နှင့် ထိခိုက်မည်ဟု မထင်ပါ။
ထို့ကြောင့် နက္ခတ်ဗေဒင်အရ တင်ကြိုအချိန်ပေးခြင်းသည် ရက်သုံးဆယ်မျှသော ကာလခန့် ခွားခြင်းမဟုတ်ပါ။ တစ်ပတ်စာပင် မရွေးချယ်ပါ။ သုံလေးရက်ခန့် ရွေးချယ်ပါသည်။ တစ်နေ့တာကို ၁၂ ပိုင်းပိုင်းကာ လဂ်အတွက် ရွေးချယ်ပါသည်။ ထို့ကြောင့် နှစ်နာရီစာ ရွေးချယ်ပါသည်။ ထိုနှစ်နာရီအတွင်းတွင်မှ ဂြိုဟ်နေများကို စိစစ်ကာ မိနစ်ပိုင်းလိုက် ထပ်မံခွဲစိတ်ဦးမည်ဆိုပါက ကလေးငယ် ကျန်းမာရေးကို မထိခိုက်ဘဲ နက္ခတ်ဗေဒင်နည်းအရ ပြည့်စုံညီညွတ်စေမည်ဟု ယူဆပါကြောင်းခင်ဗျ။
ပြီးပြည့်စုံသည့် ဇာတာတစ်ဆောင်စိတ်တိုင်းကျ ဖန်တီးနိုင်မည်လား?
ထိုမေးခွန်းအတွက် အဖြေသည်ကား မဖန်တီးနိုင်ဟု ဖြစ်ပါမည်။ ကမ္ဘာကျော်ပုဂ္ဂိုလ်တစ်ယောက်ရှိတယ်ဆိုပါစို့။ ထိုပုဂ္ဂိုလ်ဇာတာအတိုင်း ချွတ်စွတ်တူသော ဇာတာတစ်ခုဖန်တီးရန် မဖြစ်နိုင်သလောက်ခက်ခဲပါသည်။ ဥပမာ တစ်နှစ်လျှင် ကမ္ဘာကို တစ်ပတ်ပတ်သော နေ နှင့် တစ်လလျှင် တစ်ပတ်ပတ်သော လ တို့သည် ထပ်တူထပ်မျှ အခြေအနေတစ်ခုကို ရဖို့ မလွယ်ပါ။ ထို ဂြိုလ်နှစ်လုံးသည်ပင် အစက်တစ်မှတ် အခြေအနေတစ်ခုမှာ တည်နေပုံမျိုး နောက်တစ်ခါတည်ဖို့မလွယ်လှပါ။ ဂြိုလ်ကိုးလုံးတို့ကို ညှိလျှင် ထပ်တူထပ်မျှတူသော ဇာတာတစ်ဆောင် မဖန်တီးနိုင်ကြောင်းတွေ့ရပါသည်။ ထိုအကြောင်းနှင့်ပတ်သတ်၍ ဘာသာရေးခေါင်းဆောင်များ၏ ဂြိုလ်နေများ ဘယ်အချိန်ထပ်မံဖြစ်ပွားမည်ကို တင်ကြိုတွက်ချက်ဖူးပါသည်။ မရေမတွက်နိုင်အောင် ကြာဦးမည်ဖြစ်သည်။
အကောင်းဆုံးအခြေအနေ ဆက်သွယ်မှုတစ်ခုကိုတွေ့သော်ငြားလည်း မွေးဖွားပေးမည့်ဆရာဝန်များ လက်မခံမည့်ကာလတွင်း ကြုံပါက မည်သို့ရှင်းမည်နည်း။ နက္ခတ်ဆရာကိုယ်တိုင် ခွဲခန်းဝင် ဇွတ်မွေးဖွားပေးရမလိုဖြစ်နေပါသည်။
ထို့ကြောင့် ပညာအရသာ ဖေါ်ပြခြင်းသာဖြစ်ပါကြောင်း တင်ကြိုအသိပေးအပ်ပါတယ်ခင်ဗျား။
ခန့်မှန်းခြင်း
ခန့်မှန်းရက်ဖြစ်သော အောက်တိုဘာ ၇ ၂၀၁၀ မနက် မွေးဖွားမည့်ဒေသ ရန်ကုန်(အလုံ) တွင်း ဇာတာဖွဲ့ကြည့်လိုက်ပါသည်။ အောက်ပါအတိုင်းရပါသည်။ ဒီကနေ ဖွဲ့ပါတယ်။
မှတ်ချက်။ ။ဤဇာတာသည် သူရိယသိဒ္ဓန္တကျမ်းအတိုင်း ဖွဲ့ခြင်းဖြစ်ပါတယ်။ ထိုစနစ်အတိုင်း ဂြိုလ်သွားပြက္ခဒိန်များလည်းရှိပြီး၊ သိပ္ပံနည်းကျ (ကမ္ဘာသုံး Astronomy အတိုင်း စီရင်ထားသော) စနစ်ဖြင့် စီရင်ထားသော ဂြိုလ်သွားပြက္ခဒိန်များလည်းရှိပါတယ်။ စနစ်နှစ်ခုမှာ သိပ်မကွာလှပါ။ လတ်တလောဖွဲ့လိုပါက အပေါ်က လင့်အတိုင်းဖွဲ့ပြီး ဒသာစိတ်ပြီးသား အသေးစိတ်တွက်ပြီးသား လိုချင်ပါက သိပ္ပံနည်းကျစနစ်နဲ့ ပရိုဂရမ်များကို သုံးပါတယ်။ ကွာခြားပုံကို လေ့လာနိုင်ပါတယ်ခင်ဗျ။ ဒါကတော့ ပရိုဂရမ်ကပေးတဲ့ ဂြိုလ်နေပါခင်ဗျ။ သူ့ကိုတော့ ဒီမှာအသေးစိတ်တင်ပြထားပါတယ်။ ၅ တေး ၆ ကြာနဲ့ ၀ နေမှာ အံသာအနည်းငယ်ကွာနေတာကို သတိပြုစေလိုပါတယ်။
ဇာတာအရ မိမိအိမ်တွင်ရပ်သော ကြာသာပတေး သောကြာ ဗုဒ္ဓဟူး၊ ဥစ်မူသော ဗုဒ္ဓဟူးတို့ရှိနေပါသည်။ တနင်္ဂနွေနှင့် ဗုဒ္ဓဟူးပူးသော ဆက်သွယ်မှုက ဇာတာရှင်အတွက် အရည်အချင်းပိုင်း နှစ်လိုဖွယ်ကောင်းကာ၊ ၂ တန့်ရပ် မိမိအိမ်နေ ၆ ကြာကလည်း ဥစ္စာစုဆောင်းမှုအတွက် အကျိုးပေးကောင်းမည်ဟုယူဆပါသည်။
လဂ် စန်း တနင်္ဂနွေကို အရေးတကြီးကြည့်ဖို့လိုအပ်ပါမည်။ လဂ်သည်ကား ၂ နာရီတစ်ခါပြောင်းသောကြောင့် အရွှေ့ရလွယ်သည်။ ရွှေ့ရဦးမည်ဖြစ်သည်။ တနင်္ဂနွေကို ရွှေ့မည်ဆိုပါက တစ်လကြာမှ ရွှေ့လို့ ရမည်ဖြစ်သည်။ တနင်္ဂနွေသည် ၁၉ အင်သာရပ်တာကြောင့် ရှေ့ရာသီကို ပြောင်းဖို့ ၁၉ ရက်ခန့်လိုကာ နောက်ရာသီပြောင်းဖို့ ၁၁ ရက်လိုဦးမည် မဖြစ်နိုင်ပါ။ ၂ လာသည် ၁ နွေနှင့်ပူးနေသည်။ ထိုအခြေအနေသည် လကွယ်ခါနီးကို ပြဆိုနေသည်။ ၁ နွေအံသာသည် ၂ လာ အံသာထက်ကြီးနေသည်။ သဘောက လမကွယ်သေးပေ။ တနည်းအားဖြင့် စန်းအိုဟုလည်း ခေါ်လို့ရမည်။ ကလေးငယ်တွင် အေးစက်လွန်းသော ညှိုးငယ်သော စရိုက်ကို ပေးစွမ်းနိုင်သည်။ တနင်္လာကို ရှေ့ရာသီသို့ ရွှေ့မည်လား နောက်ရာသီသို့ ရွှေ့မည်လားစဉ်းစားရမည်။ ရှေ့သို့တိုးသွားပါက စန်းပျိုဖြစ်ကာ ထက်မြက်သောစရိုက်လွှမ်းမိုးနိုင်သောလည်း စိတ်ထက်သန်လွန်းကာ ငယ်စဉ်က ဆိုးတေတတ်မည်။ နောက်သို့ပြန်ပါကလည်း မှုန်ကုပ်ကုပ်ဖြစ်သွားနိုင်သည်။ လကွယ်မှ ခွာနိုင်သမျှ ခွာကာမှ ကောင်းမည်ထင်မိပါသည်။ ၁၂ တွဲခြင်းသည် စန္ဒာသူရိယမည်သော စက်ကိရိယာ ကူးသန်းရောင်းဝယ်ရေး ကောင်းမွန်စေမည့် အခြေအနေဖြစ်သော်လည်း ဘ၀အတက်နောက်ကျကာ လောကဓံခံရမှု ပိုများသည်။ ထို့ကြောင့် ရွှေ့သင့်သည်ဟုထင်ပါသည်။
၂ လာသည် ၈ အင်သာတွင်ရပ်တာကြောင့် ကန်မှ သိဟ်ဆီကူးရတာလွယ်မည်။ နှစ်ရက်ခွဲ တစ်ရာသီနေသော တနင်္လာအတွက် ၁၂ နာရီ (နေ့ဝက်ခန့်) မွေးချိန်စောပါက သိဟ်ဆီကူးသွားမည်။ နောက်တစ်ရက်ကျော်စောင့်ပါမှ တူရာသီသို့ကူးမည်။
တစ်ဖန် သိဟ်မှသည် ကရကဋ်ဆီတိုးလိုက်ပါက တနင်္လသည် တနင်္ဂနွေနဲ့လည်းဝေး မိမိအိမ်မှာရပ်လိုက်ပါက အတိုင်းထက်အလွန် ကောင်းမွန်သွားစေမည်ဟု ယူဆပါသည်။ ထို့ကြောင့် ၂ လာ ကရကဋ်ရပ်စေသော ရှေ့ပိုင်းရက်များကို ဆန်းစစ်သော အခါ …
အပေါ်က ဇာတာအရ အောက်တိုဘာ ၄ ၂၀၁၀ မနက် ၂ နာရီ ၈ မိနစ်တွင်ဖွားပါမူ လဂ်နှင် စန်းတို့သည် တစ်အံသာတည်းပူးမိကြကာ ၅ တေးမြင်မည်။ ၅ တေးသည် အံသာ ဝေးရာမှာမှမြင်၍ မျှော်မှန်းသလောက် ပညာရေးအောင်မြင်မှုနည်းတတ်မည်။ အံသာနီးလို၍ ၅ တေးမြင်မည့် မိနစ်ဆီသို့ လဂ်ကို ရွှေ့ကလည်း ကောင်းမွန်မည်ဖြစ်သည်။ ရွေးချယ်စရာ အချိန်အဖြစ် လတ်တလော သတ်မှတ်ထားမည်ဖြစ်သည်။ အခြားနာရီမိနစ်များကိုလည်း ဆန်းစစ်သင့်သည်။
အထက်ပါ အချိန် ၄.၁၀.၂၀၁၀ မနက် ၄ နာရီတွင်မူ သိဟ်လဂ်ဖြစ်နေမည်။ ၁၂ တန့်တွင် ၂ လာရပ်ခြင်းက ကလေးဘ၀အတွက် မိခင်မေတ္တာ၊ ဘ၀အေးချမ်းမှုအတွက် စိုးရိမ်ဖွယ်ဖြစ်၍ ထိုအချိန်ကို ပယ်လိုက်မယ်ဖြစ်သည်။
မနက် ၅ နာရီ ၁၇ မိနစ် (၄.၁၀.၂၀၁၀) တွင် လဂ်သည် ဥစ်မူကာ မိမိအိမ်ရပ်သူ ၄ ဟူးနှင့်ပူးကာ ၅ တေးမှ အံသားနီးစွာ မြင်လျှက်၊ ၁ နွေနှင့် ၀ နေမှလည်း အံသာဝေးကာ ကောင်းမွန်သော ဂြိုဟ်နေကိုတွေ့ရပါသည်။ ၂ လာသည်လည်း ၁၁ တန့်မှာနေသောကြောင့် မိခင်၏ ၀င်ငွေလုပ်ငန်း ထိန်းကျောင်းမှုအရိပ်အငွေ့ရခြင်းနှင့်အတူ လဂ်နှင့်ပူးသော ၁ နွေအရ ဖခင်၏ ကျော်ဇောမှုအောက် ခိုလှုံခွင့်ရတာ၊ ၄ ဟူး ၅ တေးအစပ်အဆက်ကြောင့် ပညာကျော်ဇောမှုရမည်။ ၂ တန့် ၆ ကြာကြောင့်လည်း စုဆောင်းမှုအင်အားလည်းကောင်းမည်။ ပထမတန်းစားဖြစ်မည်။
မနက် ၇ နာရီခန့်မွေးလျှင် အထက်ပါအတိုင်းဇာတာကိုရမည်။ ၁၂ တန့်ရပ် ၁ နွေ ၄ ဟူး ၀ နေကြောင့် ဖခင်ကာရက စကားအပြောအဆို သည်းခံနိုင်မှု စသည့်အပိုင်းတို့ ယုတ်လျှော့နေတော့မည်ဖြစ်သည်။
မနက် ၉ နာရီခန့်မွေးပါက အထက်ပါဇာတာအတိုင်းဖြစ်မည်။ ၁၂ တန့်ရပ် ၃ င်္ဂါ ၆ ကြာက လူသွေးလူယောင် မပြောင်ဖြစ်တတ်မည်။ အနည်းဆုံးတော့ ပေပေတေတေနေတတ်မည်။ လဂ်အိမ်ရှင် ၁၂ တန့်ရပ်ကာ ဗြိစ္ဆာလဂ်ဖြစ်လေသောကြောင့် အနာရောဂါလည်း ပေါများမည်။
မနက် ၁၂ နာရီဝန်းကျင်ခန့်မွေးပါက အထက်ပါဇာတာအတိုင်းဖြစ်မည်။ ၈ တန့်ရပ် ၂ လာအရ ၈ တန့်ကာရကအရ ကောင်းကျိုးမည်မျှ ရှိပါစေ၊ မိခင်နှင့်ဘ၀အေးချမ်းမှုအတွက်တော့ ယုတ်လျော့စေမည်ဖြစ်သည်။
အကယ်၍ နေ့လည် ၃ နာရီဝန်းကျင်မွေးပါက အထက်ပါဇာတာအတိုင်းဖြစ်မည်။ ရုတ်တရက်ကြည့်ပါက ၇ တန့် ၂ လာ၊ ၉ တန့် ၁၄၀၊ ၃ တန့် ၅ တေး၊ လဂ်အိမ်ရှင် ၉ တန့်ရပ် စသည်ဖြင့်ကောင်းမွန်သည်။ အသေအချာကြည့်ပါက ၂ လာ စီးနင်းသော အံသာသည် ၂၉ အံသာခန့်ရှိကာ ကရကဋ်နှင့် သိဟ်အစပ်တွင်ရှိသည်။ ၄င်းအစပ်သည် နက္ခတ်ပြတ်ရာသီပြတ်နေရာဖြစ်သည်။ အသလိဿနက္ခတ်နှင့် မာဃနက္ခတ်အစပ်ဖြစ်သည်။ ဤတွင်ရှုပါ။ ထို့ကြောင့် မရွေးချယ်သင့်သော အချိန်ဖြစ်သည်။ မိခင်ကိုခိုက်တတ်သော ကာလဖြစ်သည်။ (သို့မဟုတ် ကလေးငယ်မွေးစမှ ၁၂ နှစ်တွင်း ကျန်းမာရေးအလွန်ဆိုးမည်။)
အထက်ပါကာလ၀န်းကျင်သည် ၂ လာအစပ်ရောက်သည့်အပြင် ၁-နွေ ၄-ဟူး ၀-နေ တို့လည်း ၈ တန့်ရပ်ကာ အဆိုးရွားဆုံးအခြေအနေတစ်ခုကို ပြဆိုနေသည်။
အထက်ပါ ည ၆ နာရီမှစ၍ ကျွန်တော်တို့လိုအပ်ရာ ၂လာ ကရကဋ်မှာ သွေဖယ်လာသောကြောင့် နောက်ပိုင်းကာလများကို ဆန်းစစ်ခြင်းမပြုတော့ပါ။
အနှစ်ချုပ် result အနေဖြင့် ပထမတန်းစားသည် (၄.၁၀.၂၀၁၀) ရက်နေ့ မနက် ၅ နာရီ ၁၇ မိနစ် သည်ပထမတန်းစား မွေးဖွားချိန်ဖြစ်မည်။ ၄ ဟူးနဲ့ လဂ်ယှဉ်ထားသောကြောင့် ဗုဒ္ဓဟူးနံ၊ အဖသဘာဝ ၁-နွေကို (နေရိပ်မမိစေဘဲ) ရာသီတူပူးထားခြင်းကြောင့် ဖခင်အမည် (သို့) ၁ နွေနံ၊ မိခင်သဘာဝကို ရာသီပိုင် ၁၁ တန့်ထားရှိခြင်းကြောင့် မိခင်အမည် (သို့) ၂ လာနံ နာမည်များ မှည့်ခြင်းက သင့်လျော်မည်ထင်ပါသည်။ ထို့အပြင် ၄ ဟူးသဘာဝ အနုပညာဆန်သော၊ ကဗျာဆန်သော နာမည်လွင့်လွင့်များဖြစ်နေပါက ပိုမိုသင့်လျော်မည်ဟု ယူဆမိပါသည်။
ဒုတိယတန်းစားသည် (၄.၁၀.၂၀၁၀) မနက် ၂ နာရီ ၈ မိနစ်တွင်ဖွားပါမူ လဂ်နှင် စန်းတို့သည် တစ်အံသာတည်းပူးမိကြကာ ၅ တေးမြင်မည့် အခြေအနေဖြစ်သည်။ တနင်္လာနံ အမိအမည်များနှင့် ငြိမ်းအေးသည့် အမည်များ မှည့်ခြင်းက ပိုမိုကောင်းမွန်စေမည်ဟု ယူဆမိပါသည်။
ဤတွင့် ခန့်မှန်းကာလ (၇.၁၀.၂၀၁၀) ကို အလယ်ထားသော ရက်များ စဉ်းစားပြီးဖြစ်သည်။ ကျွန်တော့်စိတ်ကြိုက်ရက်များကို ရွေးထုတ်ရပါမူ ၂ လာအားကောင်းသော လပြည့်နီးရက်များနှင့် ၂ လာ ဥစ်မူသောရာသီ ၂ လာနှင် ၁ နွေကိန်းကျသော ရာသီများ ရွေးထုတ်လိုပါသည်။
၁.၁.၂၀၁၀ တွင် ၁ နွေနှင် ၂ လာတို့ကိန်း၌ တည်ကြမည်ဖြစ်သည်။ ထို့နေ့ မနက် ၅ နာရီတိတိတွင် လဂ်နှင့် ဗုဒ္ဓဟူးတို့ ပူးမည်ဖြစ်ပြီး ၂ လာသည် မေထုန်ရပ်ကာ လဂ်နှင့်ကိန်းခံလိမ့်မည်။
၂၄.၉.၂၀၁၀ သည် လပြည့်ဝန်းကျင်ဖြစ်ပြီး စန်းအားကြီးမည်ဖြစ်သည်။ သို့သော် ခန့်မှန်းရက်နှင့်ကွာလွန်းလှပါသည်။
မည်သို့ပင်ဖြစ်စေ ပြင်မရသော ၃ နဲ့ ၆ အတွဲသည်လည်းကောင်း ၁ နဲ့ ၀ အပူးသည်လည်းကောင်း ရွေးချယ်ခွင့်မရှိသော ကလေးငယ် ကံကြမ္မာဖြစ်သည်။ ပြင်ခွင့်ရသလောက်ပြင်ခြင်းသည်ပင် ထိုကလေးငယ်အစွမ်းရှိသလောက် တောက်ပြောင်ခွင့်ရစေခြင်းငှာ နက္ခတ်ပညာက တစ်ဖက်တစ်လမ်းမှ တွန်းအားပေးလိုခြင်းဖြစ်ပါသည်။ အဆိုးများသက်သာရာ ရစေခြင်းငှာ လောကီပညာတစ်ရပ်အနေဖြင့် ကူခြင်းဖြစ်ပါသည်။
ဂြိုဟ်နေ အင်းအား ဆက်စပ်မှုများသည် အတိတ်ကံကျိုး စရိုက်ဝါသနာကိုသာပြဆိုပါ၍ အတိတ်ကံကို တွန်းလှန်စွမ်းအင်းအား ကြီးမားသူအတွက် ပစ္စုပ္ပန်ကံသည်သာ ပဓာနကျပါကြောင်း သတိချပ်စေလိုပါသည်ခင်ဗျား။
ခင်မင်လျှက်
ကိုပခန်း
No comments:
Post a Comment
ဒီpostနဲ့ပတ်သတ်လို့ ပြောချင်တာရှိရင် ပြောခဲ့ဖို့ပါဗျာ။