ရေးခဲ့သမျှထဲမှာ အကြမ်းဖျဉ်း ဇာတာလေးတစ်ဆောင် တွက်ထုတ်ကြစို့ဗျာ။
နမူဏာဇတာအဖြစ် ၂၁.၁၂.၁၉၈၇ ရက်နေ့ ည ၁၁ နာရီ ၂၅ မိနစ် ရန်ကုန်မှာဖွားတဲ့ အမျိုးသမီးတစ်ဦးအတွက် တွက်ထုတ်ကြစို့ဗျာ။
- ၁။ ဒီ link ကနေ program ကို down ပြီးဇာတာဖွဲ့ပါ့မယ်ခင်ဗျာ။ new တောင်းယင်ပဲပေါ်လာတဲ့ box မှာ ကိုယ့်မွေးဒေသပါလားကြည့်ပြီး ပါယင်လွယ်လွယ်ကူကူနဲ့ ဖွဲ့လိုက်ယုံပါပဲ မပါယင်တော့ အောက်ပါပုံအတိုင်းအသစ်ထည့်နိုင်ပါတယ်။
ပေါ်လာတဲ့ ဇယားထဲ ဒီအောက်က အပိုင်းကိုကြည့်ပြီး အဟောလေးတွေ တွက်ထုတ်ကြစို့ဗျာ။
- သိဟ်လဂ်
ဒီနေရာမှာ မိန်းကလေးဖြစ်တဲ့ အတွက် လက်အောက်ငယ်သား အပေါ်တင်းကြတ်နိုင်ခွင့်နည်းပါမယ်။ ၀င့်ထည်လိုသူလည်း မဖြစ်တော့ပါ။ နောက်ကွယ်က သတ္တိကောင်းသူ လျှို့ဝှက်ခေါင်းဆောင်ဖြစ်တတ်ပါတယ်။ ဥပမာ ကာယတိုက်ခိုက်တာ မဟုတ်ပဲ စာပေသမား အရေးအသားရဲသူမျိုးကို ဆိုလိုပါတယ်ခင်ဗျား။ သတ္တိကိုဖေါ်ပြတဲ့ ၃ အင်္ဂါဂြိုလ်က နိစ်မူတယ်ခင်ဗျ။ နိစ်ကို သိချင်ဒီမှာဖတ်နိုင်ပါတယ်ခင်ဗျာ။
- ဓနုရာသီ၌ စန်းရပ်တည်ခြင်း
တနင်္လဟာ တခြားဂြိုလ်တွေနဲ့ပါတွဲနေတဲ့အတွက် တခြားဂြိုလ်တွေရဲ့ အကျိုးဆက်တွေပါ ပေါင်းပြောမှ ပိုပြည့်စုံပါ့မယ်ခင်ဗျ။ နောက် result တွေ ဆက်ကြည့်ကြပါစို့ဗျာ။
ဘာဝစက်မှာ တနင်္ဂနွေဟာ သိဟ်ရာသီက ရေရင် ၄ ခုမြောက်အကွက်မှာရှိလို့ တနင်္ဂနွေ ၄ တန့်လို့ခေါ်ပါတယ်ခင်ဗျာ။ အဟောကတော့အောက်ပါ အတိုင်းပါ။
- ၁နွေ ၅တန့်
မိန်းကလေးဖြစ်တဲ့ အတွက် မိမိအိမ်ထောင်သည်ကာလမှ သားသမီးရရေးပူရတတ်ပါတယ်။ ဒါပေမယ့် ၅ တန့်မှာတော့ သောမဂြိုလ်တွေရပ်တည်လို့ ဒီအချက်က စိုးရိမ်စရာမရှိပါ။ အပူအပင်မဲ့တဲ့ ကလေးသဘာဝဖြူစင်မှုနဲ့ စွန့်လွှတ်သော ကူညီတတ်သော သူတော်စင်သဘာဝကို ဆောင်ပါတယ်ခင်ဗျား။
တနင်္လလာဟာ လဂ်တည်တာ သိဟ်မှ ၅ ခုမြောက် ဓနုရာသီမှာရပ်ပါတယ်။ အဟောကတော့ အောက်ပါအတိုင်းပါ။
- ၂လာ ၅တန့်
ဒီအဟောကြောင့် အပေါ်မှာပါတဲ့ သမီးရရှိရေးပူရတာက ပေါ့သွားပါတယ်ခင်ဗျ။
အင်္ဂါဂြိုလ်ဟာ လဂ်တည်ရာ သိဟ်မှ ၂ ခုမြောက် တူရာသီမှာရပ်ပါတယ်။ အဟောက အောက်ပါ အတိုင်းပါခင်ဗျာ။
- ၃ဂါ ၃တန့်
ပေးကမ်းရက်ရောသော သဘောရှိတဲ့ အတွက် အပေါ်မှာဟောခဲ့တဲ့ ကပ်စေးနှဲခြင်းကြေပျက်ပါတယ်။ အနာရောဂါများမှ ကင်းဝေးတတ်ပါတယ်။ မိမိမွေးချင်းသားချင်းများနဲ့ ခွဲခွါနေရတာတွေ စီးပွါးမတူ အသက်မွေးဝမ်းကျောင်းမတူတာတွေဖြစ်တတ်ပါတယ်။
ဒီနေရာမှာ သတိထားရမှာက အင်္ဂါဟာနိစ်မူနေတာပါပဲ။ ဥစ်နဲ့နိစ်ကို ဒီမှာဖတ်ပါခင်ဗျာ။ နိစ်မူတဲ့ဂြိုလ်တွေအကြောင်းကို နောက်ပိုင်းမှ ကျယ်ကျယ်ပြန့်ပြန့်ဆွေးနွေးပါ့မယ်ခင်ဗျာ။ အခုရေးတာက ယေဘုယျ အဟောမို့ပါခင်ဗျာ။
ဗုဒ္ဓဟူးဂြိုလ်ဟာ ဘ၀စက်မှာ လဂ်တည်ရာ သိဟ်ရာသီမှ ၄ တန့် ဗြိစ္ဆာရာသီမှာရပ်ပါတယ်။ အဟောကတော့ အောက်ပါ အတိုင်းပါ။
- ၄ဟူး ၄တန့်
၎ တန့်ဘာဝက မိခင်ကို ကိုယ်စားပြုပါတယ်။ ၄ ဟူးဟာလည်း ၂ လာရဲ့သားလို့ခေါ်ကြတဲ့ အနက်အဓိပ္ပါယ်တူတွေပါ။ ဒါ့ကြောင့် လက်ဝတ်ရတနာ စီးပွါး မိခင်နဲ့ ဆက်စပ်ပါ့မယ်ခင်ဗျာ။
ဘာဝစက်မှာ ၅ တေးဂြိုလ်ဟာ လဂ်တည်ရာ သိဟ်မှ ၈ တန့် မိန်ရာသီမှာရပ်ပါတယ်။ အဟောကတော့အောက်ပါအတိုင်းပါခင်ဗျာ။
- ၅တေး ၈တန့်
အလွန်ရိုးသားနှိမ်ချ၍ ဆင်းရဲတတ်သည်။ ခန္ဓာကိုယ်အင်အားနည်းပါးတတ်သည်။ လူစော်ကားခံရတတ်သည်။ ဆရာသမားဖခင်တို့နှင့်အတိုက်အခံပြုရတတ်သည်။ပစ္စည်းပညာမာနမထားတတ်တာကိုဆိုလိုပါတယ်။
၅ တေးက ပညာကိုဆိုလိုပြီး ၈ တန့်က သေဆုံးခြင်းကို ဆိုလိုပါတယ်ခင်ဗျာ။ ကြာသာပတေးက ခန္ဓာကိုယ်အင်အားနဲ့လည်း ဆိုင်ပါတယ်။ ဆရာသမားနဲ့ ဖခင်ပရိယာယ်တွေရော အတူတူပါပဲခင်ဗျ။
သောကြာဂြိုလ်ဟာ လဂ်တည်ရာ သိဟ်ရာသီမှ ၅ အိမ်မြောက် ဓနုရာသီမှာရပ်ပါတယ်။ အဟောကတော့ ...
- ၆ကြာ ၅တန့်
စာပေးရေးရာမှာ ဘွဲ့လွန်သင်တန်းများအထိ ထွန်းပေါက်တတ်တာကို ဆိုလိုပါတယ်ခင်မျာ။ ၅ တန့်ဟာ ပညာရေးအပြင် သားသမီးကို ကိုယ်စားပြုပါတယ်။ သောကြာက အလှအပ တင့်တယ်မှုပါခင်ဗျာ။
စနေဂြိုလ်ဟာ လဂ်တည်ရာ သိဟ်ရာသီမှ ၄ ခုမြောက် ဗြိစ္ဆာရာသီမှာ ရပ်ပါတယ်။ အဟောကတော့...
- ၀နေ ၄တန့်
ဒီနေရာမှာ မိခင်အကျိုးပေးဆိုတဲ့နေရာမှာ သေချာခွဲဖို့လိုနေပါတယ်။ အပေါ်ကအဟောတစ်ခုမှာ (၄ ဟူးဂြိုလ် ၄ တန့်)အဟောမှာ မိခင်အကျိုးပေးမယ်လို့ အဟောထွက်ပြီး ဒီအဟော (၀ နေ ၄ တန့်)မှာ မိခင်အကျိုးပေးမကောင်းလို့ ဒဲ့ ဆန့်ကျင်ပါတယ်။ ဒါ့ကြောင့် ဒီ အကျိုးနှစ်ခုကို ယှဉ်ရပါတော့မယ်ခင်ဗျာ။
ပထမ သူတို့ ရပ်ရာ အိမ်ပိုင်ကို ကြည့်ပါတယ်။ ၄ နဲ့ ၀ ဟာ ဓနုမှာရပ်ပါတယ်။ ဓနုရာသီကို ၅ တေးပိုင်ပါတယ်။ ဂြိုလ်ပိုင်ကို ဒီ link မှာဖတ်ပါခင်ဗျာ။ သူတို့ နှစ်လုံးဟာ ၅ တေးကို မိတ်သော်လည်းကောင်း ရန်သော်လည်းကောင်း ပြုခြင်းမရှိပါဘူး။ မိတ်ရန်ကို ဒီမှာ ဖတ်ပါခင်ဗျာ။ ဥဒသိန်လို့ခေါ်ပါတယ်။ သဘောက သူတို့က ရပ်ရာရာသီမှာ အိမ်ရှင်နဲ့ ရန်သူလည်းမလုပ် မိတ်ဆွေလည်း မလုပ်ကို ပြောတာပါခင်ဗျ။
ဆက်ပြီးသူတို့ချင်းကို ကြည့်ပါတယ်။ ဒီနေရာမှာ ထူးခြားချက်တွေ့ပါတယ်။
ဝ နေက ၄ ဟူးကို မိတ်သွားဖွဲ့ပါတယ်။ သဘောက ၀ နေက ၄ ဟူးရဲ့ ကောင်းကျိုးကို လိုလားတယ် ချစ်တယ်ပေါ့ဗျာ။ ဒါ့ကြောင့် မိခင်အကျိုးမပေးတဲ့ သဘောတွေဟာ မိခင်အကျိုးပေးတဲ့ ဘက်ကို ရောက်လာပါတယ်။ အဲ ဒါပေမယ့် သာမန်တော့မဟုတ်ဘူးပေါ့ဗျာ။ မိခင်က တိုက်ရိုက်မဟုတ်ဘဲ မိခင်နဲ့ဆက်နွယ်တဲ့ ကောင်းကျိုးမျိုးကိုဆိုလိုပါတယ်။ ဆွေမျိုးအကူအညီမျိုးကို ဆိုလိုတာမျိုးပါခင်ဗျာ။
ဘာဝစက်မှာ ရာဟုဂြိုလ်ဟာ လဂ်တည်ရာ သိဟ်မှ ၇ အိမ်မြောက် ကုမ်ရာသီမှာ ရပ်ပါတယ်ခင်ဗျာ။ အဟောကတော့ ...
- ၈ဟု ရတန့်(၉ကိတ် ၁တန့်)
ဒီနေရာမှာ ရာဟုရဲ့သဘောကို ထည့်ပြောဖို့လိုပါတယ်။ ရာဟုဟာ မိမိတစ်ဦးတည်း ထီးထီးရပ်တည်ရင် စနေနဲ့ သဘာဝတူပါတယ်။ ဂြိုလ်တစ်လုံးနဲ့ သန္ဗန္ဓပြုရင် သူ့အလိုကိုလိုက်ပါတယ်။
ဒီဇာတာမှာ ရာသီစက်မှာ ကြာသာပတေးနဲ့ ပူးလို့ ကြာသာပတေးနဲ့ သဘာဝဆင်ပါဦးမယ်ခင်ဗျာ။ နှစ်မျိုးစပ်ပြောရပါမယ်ခင်ဗျ။
မိမိနဲ့ အသက်မွေးဝမ်းကျောင်း ပတ်ဝန်းကျင်မတူသူနဲ့ ဖူးစာဆုံတတ်ပါတယ်။ အိမ်ထောင်ဖက်က ကျန်းမာရေးညံ့တာအပြင် ပညာများစွာတတ်ပါလိမ့်မယ်။ ကြာသာပတေးက ၇ တန့်မှာ လာနေတာနဲ့တူလို့ပါခင်ဗျာ။ ဇာတာရှင်ဟာ အပေါ်က အဟောတွေမှာ ပညာနဲ့ပတ်သတ်တာတွေပဲတွေ့တာကြောင့် ဇာတာရှင် ပင်ပမ်းမယ်ဆိုရင် ပညာနဲ့ပတ်သတ် မရောင့်ရဲလို့ ဆင်းရဲရပါ့မယ်ခင်ဗျ။
ဦးနှောက်အတွေးနဲ့ ပတ်သတ်တဲ့ ၁ တန့်ဘာဝကို ရာဟု(သို့)ကြာသာပတေး မြင်လို့ ဇာတာရှင်ဟာ ဖြတ်ထိုးဉာဏ်သိပ်ကောင်းပါ့မယ်ခင်ဗျ။ ရာဟုဆိုတာ လေပွေကြမ်းတစ်ခုလို ဖြုန်းကနဲ ပေါ်တတ်လို့ပါခင်ဗျ။
ကဲဗျာ ဒသာဖက်ကူးကြပါစို့ဗျာ ...
No comments:
Post a Comment
ဒီpostနဲ့ပတ်သတ်လို့ ပြောချင်တာရှိရင် ပြောခဲ့ဖို့ပါဗျာ။